|    Oct 23 Mon, 2017 9:02 pm
FLASH NEWS
Home   >  Todays Paper  >  page 7  >  

തീവണ്ടിയില്‍ ജവാന്‍ വെടിയേറ്റ് മരിച്ചു

Published : 15th May 2016 | Posted By: SMR

ബക്‌സര്‍: ബിഹാറില്‍ ഓടുന്ന തീവണ്ടിയില്‍ റെയില്‍വേ പോലിസ് ജവാന്‍ വെടിയേറ്റു മരിച്ചു. മറ്റൊരു ജവാന് പരിക്കേറ്റു. അക്രമികള്‍ ഇവരുടെ റൈഫിളുകള്‍ കവര്‍ന്നു. വാരണാസിക്കും ബക്‌സറിനുമിടയില്‍ വെള്ളിയാഴ്ച രാത്രിയാണ് നാല്‌പേര്‍ ആക്രമണം നടത്തിയത്. ഉത്തര്‍പ്രദേശിലെ നരാഹി സ്വദേശി അഭിഷേക് സിങാണ് മരിച്ചത്. സഹപ്രവര്‍ത്തകന്‍ നന്ദലാല്‍ യാദവിനാണ് ഗുരുതരമായി പരിക്കേറ്റത്. തീവണ്ടി ബസ്‌കറിലെത്തുന്നതിനു മുമ്പ് അക്രമികള്‍ ചാടി രക്ഷപ്പെട്ടു. പരിക്കേറ്റ ജവാനെ ബക്‌സറില്‍ പ്രാഥമിക ശുശ്രൂഷ നല്‍കിയശേഷം വാരണാസിയിലേക്കു മാറ്റിയെന്ന് റെയില്‍വേ പോലിസ് സൂപ്രണ്ട് ജിതേന്ദ്ര മിശ്ര അറിയിച്ചു. തീവണ്ടി യാത്രക്കാര്‍ക്ക് അകമ്പടി പോയിരുന്നവരാണ് ജവാന്‍മാരെന്ന് റെയില്‍വേ പോലിസ് ഇന്‍സ്‌പെക്റ്റര്‍ ത്രിപുരാരി പാണ്ഡെ പറഞ്ഞു. തീവണ്ടി ചൗസ റെയില്‍വേ സ്റ്റേഷനില്‍നിന്ന് ബക്‌സറിലേക്ക് പുറപ്പെട്ട ഉടനെയാണ് ആക്രമണം നടന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക