|    May 26 Fri, 2017 1:09 pm
FLASH NEWS

തീരദേശ നിയമം തിരിച്ചടിയായി; കെട്ടിട നമ്പര്‍ ലഭിക്കാതെ കുടുംബങ്ങള്‍

Published : 7th May 2016 | Posted By: SMR

തലശ്ശേരി: തീരദേശ സംരക്ഷണ നിയമത്തെ തുടര്‍ന്ന് ധര്‍ടമം ഗ്രാമപ്പഞ്ചായത്തിലെ പല പ്രദേശങ്ങളിലും പുതിയ കെട്ടിടങ്ങള്‍ നിര്‍മിക്കുന്നതിന് അനുമതി നിഷേധിക്കുന്നു. ധര്‍മടം പഞ്ചായത്ത് 16 കിലോമീറ്റര്‍ പുഴയോരവും കടലോരവും ഉള്‍പ്പെടുന്നതാണ്. സമീപത്തുള്ള തലശ്ശേരി നഗരസഭ സിആര്‍ഇസെഡ് രണ്ടിലാണ് ഉള്‍പ്പെടുന്നത്. എന്നാല്‍ ധര്‍മടം പഞ്ചായത്ത് മൂന്നിലാണ് ഉള്‍പ്പെടുന്നത്. ഇതുകാരണം കെട്ടിട നിര്‍മാണങ്ങള്‍ക്ക് ദൂരപരിധിയുണ്ട്.
എന്നാല്‍ തീരദേശ സംരക്ഷണ നിയമം കര്‍ശനമാക്കുന്നതു കാരണം വീടടക്കമുള്ള നിര്‍മാണപ്രവര്‍ത്തനങ്ങള്‍ പ്രതിസന്ധിയിലാവുകയായിരുന്നു. കുടുംബപരമായി ലഭിച്ച സ്വത്തില്‍ പലരും വീടുകളും മറ്റു കെട്ടിടങ്ങളും നിര്‍മിച്ചു വരികയാണ്. 68 വീടുകളുടെ നിര്‍മാണം പൂര്‍ത്തിയായി. 20 വീടുകള്‍ പാതിവഴിയിലാണ്.
എന്നാല്‍ തീരദേശ സംരക്ഷണ നിയമത്തിലെ വകുപ്പുകള്‍ കാരണം ഇവര്‍ക്കൊന്നും വീട്ടുനമ്പര്‍ ലഭിക്കുന്നില്ല. ഇതുകാരണം റേഷന്‍കാര്‍ഡ്, ആധാര്‍, പാസ്‌പോര്‍ട്ട് തുടങ്ങിയവയ്ക്കും അപേക്ഷിക്കാനാവുന്നില്ല. നിയമം പുനപ്പരിശോധിക്കണമെന്നും ധര്‍മടം തീരദേശ ആക്ഷന്‍ കമ്മിറ്റി ആവശ്യപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day