|    Apr 25 Wed, 2018 2:51 am
FLASH NEWS

തിലാനൂരില്‍ എസ്ഡിപിഐ ഓഫിസ് സിപിഎമ്മുകാര്‍ തകര്‍ത്തു

Published : 11th April 2018 | Posted By: kasim kzm

ചക്കരക്കല്ല്: ചേലോറ പഞ്ചായത്തിലെ തിലാനൂരില്‍ സിപിഎം-കഞ്ചാവ് മാഫിയാ സംഘം എസ്ഡിപിഐ ഓഫിസ് അടിച്ചുതകര്‍ക്കുകയും പ്രവര്‍ത്തകരെ ആക്രമിക്കുകയും ചെയ്തു. ദലിത് ഹര്‍ത്താല്‍ ദിനത്തില്‍ രാത്രിയാണ് എസ്ഡിപിഐ തിലാന്നൂര്‍ ബ്രാഞ്ച് കമ്മിറ്റി ഓഫിസ് ഒരുസംഘം സിപിഎം പ്രവര്‍ത്തകര്‍ അടിച്ചുതകര്‍ത്തത്.
കഞ്ചാവ് വിതരണവുമായി ബന്ധമുള്ള സിയാദ്, മനാഫ്, അഫ്‌നാസ്, ജംനാസ് എന്നിവരുടെ നേതൃത്വത്തിലെത്തിയ 30ഓളം പേരാണ് ആക്രമണങ്ങ ള്‍ക്കു പിന്നില്‍. ഓഫിസിന്റെ ജനലുകള്‍ കുത്തിയിളക്കുകയും ഓടുകളും ഫര്‍ണിച്ചറുകളും അടിച്ചുതകര്‍ക്കുകയും ചെയ്തു. ട്രോഫികള്‍, കസേരകള്‍, തോരണങ്ങള്‍, ബോര്‍ഡുകള്‍, കൊടിമരം എന്നിവയെല്ലാം നശിപ്പിച്ചിട്ടുണ്ട്.
കഞ്ചാവ് വിതരണം ചോദ്യം ചെയ്ത വിരോധത്തിനു എസ്ഡിപിഐ പ്രവര്‍ത്തകരായ നദീര്‍ ഏറ്റുകണ്ടി, നഫ്‌സീര്‍ എന്നിവരെ സിപിഎം സംഘം മര്‍ദിച്ചിരുന്നു. മര്‍ദനമേറ്റ നദീര്‍ കണ്ണൂര്‍ ജില്ലാ ആശുപത്രിയില്‍ ചികില്‍സ തേടി.
ഇതിനിടെ, സിപിഎം നിയന്ത്രണത്തിലുള്ള റാസ് വോയ്‌സ് ക്ലബ്ബും ആക്രമിക്കപ്പെട്ടിരുന്നു. രാത്രി ഇരുവിഭാഗവും സംഘടിച്ചു നിന്നതോടെ പോലിസും റാപിഡ് ആക്ഷന്‍ ഫോഴ്‌സും സ്ഥലത്തെത്തി ലാത്തിവീശി ഓടിക്കുകയായിരുന്നു.
കണ്ണൂര്‍ ഡിവൈഎസ്പി പി പി സദാനന്ദന്റെ നേതൃത്വത്തിലാണ് പോലിസ് സംഘമെത്തിയത്.
സ്ഥലത്ത് സംഘര്‍ഷാവസ്ഥ കണക്കിലെടുത്ത് പോലിസ് ക്യാം പ് ചെയ്യുന്നുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss