|    Nov 17 Sat, 2018 9:58 am
FLASH NEWS
Home   >  Kerala   >  

തിരുവനന്തപുരം പാസഞ്ചര്‍ ട്രെയിന്‍ പാളംതെറ്റി

Published : 6th July 2018 | Posted By: sruthi srt

കൊല്ലം: തിരുവനന്തപുരം പാസഞ്ചര്‍ ട്രെയിന്‍ കൊല്ലം റെയില്‍വേ സ്‌റ്റേഷനില്‍ പാളംതെറ്റി. രാവിലെ 6:55ന് മൂന്നാം നമ്പര്‍ പ്ലാറ്റ്‌ഫോമില്‍ നിന്ന് തിരുവനന്തപുരത്തേക്ക് നീങ്ങിത്തുടങ്ങവേ എന്‍ജിനിലെ ഒരു ചക്രം പാളത്തിന് പുറത്താവുകയായിരുന്നു. തിരുവനന്തപുരം-എറണാകുളം പാതയിലെ ഗതാഗതത്തെ സംഭവം ബാധിച്ചിട്ടില്ല.

തിരുവനന്തപുരത്തു നിന്ന് ആക്‌സിഡന്റ് റിലീഫ് ട്രെയിന്‍ എത്തിച്ച് പുറത്തായ ചക്രം പാളത്തിലേക്ക് ആക്കി തകരാര്‍ പരിഹരിച്ചു ട്രെയിന്‍ സര്‍വീസ് തുടങ്ങിയിട്ടുണ്ട്. അതേസമയം,പാളം തെറ്റിയത് ലോക്കോ പൈലറ്റിന്റെ അനാസ്ഥ മൂലമെന്ന് സൂചനയുണ്ട്. ട്രെയിന്‍ നിര്‍ത്തിയിടുമ്പോള്‍ ചക്രങ്ങള്‍ക്കടിയില്‍ സ്ഥാപിക്കുന്ന തടികൊണ്ടുള്ള ഉപകരണം മാറ്റാതെയാണ് ട്രെയിന്‍ മുന്നോട്ട് എടുത്തത്. ഉപകരണം ചക്രങ്ങള്‍ക്കിടയില്‍ കുരുങ്ങിയാണ് പാളം തെറ്റിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss