|    Apr 25 Tue, 2017 2:30 am
FLASH NEWS

തിരുപ്പൂര്‍ അപകടം: ഒരാള്‍കൂടി മരിച്ചു

Published : 18th July 2016 | Posted By: SMR

കൊല്ലം: തിരുപ്പൂരിലെ പല്ലളത്തുണ്ടായ വാഹനാപകടത്തില്‍ ചികില്‍സയിലായിരുന്ന ഒരാള്‍കൂടി മരിച്ചു. ഇതോടെ മരിച്ചവരുടെ എണ്ണം അഞ്ചായി. കോവൈ മെഡിക്കല്‍ കോളജില്‍ ചികില്‍സയിലായിരുന്ന ഉമയനല്ലൂര്‍ മാഞ്ഞാലിമുക്ക് കുറ്റിവിള വടക്കതില്‍ ജലാലുദ്ദീന്‍-ജലീല ദമ്പതികളുടെ മകന്‍ സജാദ്(22) ആണ് ഇന്നലെ രാവിലെ മരിച്ചത്. പേരയം പുളിക്കത്തുണ്ടില്‍ റെനീഷ് മന്‍സിലില്‍ അബ്ദുല്‍ ലത്തീഫ്-റഹ്മത്ത് ബീവി ദമ്പതികളുടെ മകന്‍ റനീഫ്(18), കമ്പിവിള വലിയവിള ജെ ആര്‍ മന്‍സിലില്‍ ജമാലുദ്ദീന്‍- റഷീദബീവി ദമ്പതികളുടെ മകന്‍ അബ്ദുല്‍ ജലീല്‍ (27), മൈലാപ്പൂര് തൈക്കാവ്മുക്ക് മാലാച്ചേരി വീട്ടില്‍ താഹാ- ഷാഹിദ ദമ്പതികളുടെ മകന്‍ മുഹമ്മദ് റാഫി(19) എന്നിവര്‍ സംഭവസമയത്തും പേരയം കൂടാരം എസ് ജെ ഹൗസില്‍ ഷിഹാബുദ്ദീന്‍- ജുലൈന ദമ്പതികളുടെ മകന്‍ ഷുഹൈബ് (19) ശനിയാഴ്ച പുലര്‍ച്ചെയും മരിച്ചിരുന്നു.
വെള്ളിയാഴ്ച വൈകീട്ട് 5.20ന് പല്ലടം-പൊള്ളാച്ചി റോഡില്‍ കാമനായ്ക്കപാളയത്തായിരുന്നു അപകടം. കച്ചവടത്തിനായി തിരുപ്പൂരില്‍ നിന്ന് തുണികള്‍ വാങ്ങി മടങ്ങുംവഴി ഇവര്‍ സഞ്ചരിച്ച കാറില്‍ ലോറിയിടിക്കുകയായിരുന്നു. സജാദിന്റെ സഹോദരി: ജാസ്മി.

                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day