|    Jan 23 Tue, 2018 5:35 pm
Home   >  Editpage  >  Second edit  >  

തിരിച്ചറിയുന്നതെപ്പോള്‍?

Published : 12th January 2018 | Posted By: kasim kzm

കണ്ണാടിയില്‍ നോക്കുമ്പോള്‍ നമുക്ക് നമ്മെ തിരിച്ചറിയാന്‍ കഴിയുന്നത് നിസ്സാര കാര്യമല്ല. ശാസ്ത്രജ്ഞരുടെ അഭിപ്രായത്തില്‍ മനുഷ്യര്‍ക്കു മാത്രമല്ല ഈ ശേഷിയുള്ളത്. ചിമ്പാന്‍സികളും ആനകളും ചില പക്ഷികളും ഡോള്‍ഫിനുകളും സ്വയം തിരിച്ചറിയാന്‍ കഴിയുന്ന ജീവികളാണ്. ബുദ്ധിശക്തിയുടെ തെളിവായിട്ടാണ് ഈ ശേഷി പരിഗണിക്കപ്പെടുന്നത്. എന്നാല്‍, ഇക്കാര്യത്തില്‍ വിയോജിപ്പ് പ്രകടിപ്പിക്കുന്ന ജീവശാസ്ത്രജ്ഞന്‍മാരുമുണ്ട്. ആനകള്‍ക്കും ഡോള്‍ഫിനുകള്‍ക്കും ഈ കഴിവ് കുറച്ചു കൂടുതലുണ്ട് എന്നു കരുതപ്പെടുന്നു.
വളര്‍ച്ചയുടെ ഏതു ഘട്ടത്തിലാണ് മനുഷ്യരടക്കമുള്ള ജീവിവര്‍ഗങ്ങള്‍ സ്വയം തിരിച്ചറിയാന്‍ തുടങ്ങുന്നത് എന്നതു സംബന്ധിച്ചു വലിയ ഗവേഷണം നടന്നിരുന്നു. കുഞ്ഞുങ്ങള്‍ പൊതുവില്‍ 12 മാസമാവുന്നതോടെ തന്നെ ഈ കഴിവ് ആര്‍ജിക്കുന്നുവെന്നാണു മനസ്സിലാവുന്നത്. ചിമ്പാന്‍സികള്‍ക്ക് അതിനു രണ്ടു വര്‍ഷം വേണം. ഡോള്‍ഫിനുകളുടെ കാര്യത്തിലായിരുന്നു ചെറിയ സംശയമുണ്ടായിരുന്നത്.
ഒരു അമേരിക്കന്‍ സര്‍വകലാശാലയിലെ ഗവേഷകര്‍ ഈ വിഷയം സംബന്ധിച്ചു വിപുലമായ പരീക്ഷണങ്ങള്‍ നടത്തിയിരുന്നു. ഡോള്‍ഫിനുകള്‍ മനുഷ്യരേക്കാള്‍ വേഗത്തില്‍ ശാരീരിക വളര്‍ച്ച പൂര്‍ത്തിയാക്കുന്നതിനാല്‍ അവ കുഞ്ഞുങ്ങളേക്കാള്‍ വേഗത്തില്‍ സ്വയം തിരിച്ചറിയാന്‍ തുടങ്ങുന്നു എന്നാണ് ഗവേഷണത്തില്‍ തെളിഞ്ഞത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day