|    Jan 20 Fri, 2017 3:04 am
FLASH NEWS

തിരഞ്ഞെടുപ്പ് ബഹിഷ്‌കരണാഹ്വാനം; മൂന്നു പേര്‍ക്കെതിരേ യുഎപിഎ ചുമത്തി

Published : 4th May 2016 | Posted By: SMR

തൃശൂര്‍: ഇലക്ഷന്‍ ബഹിഷ്‌കരിക്കാന്‍ ആഹ്വാനം ചെയ്യുന്ന പോസ്റ്ററുകളുമായി മൂന്നു പേരെ ഈസ്റ്റ് പോലിസ് അറസ്റ്റ് ചെയ്തു. അറസ്റ്റിലായവര്‍ക്കെതിരേ യുഎപിഎ ചുമത്തി. തൃശൂര്‍ കയ്പറമ്പ് സ്വദേശി സി എ അജിതന്‍, ചേലക്കര സ്വദേശി ദിലീപ് നെല്ലുളിക്കാരന്‍, എറണാകുളം കുറുപ്പംപടി സ്വദേശി സാബു എന്നിവരെ ഇന്നലെ ഉച്ചയ്ക്കുശേഷം സാഹിത്യ അക്കാദമി പരിസരത്തുനിന്നാണ് അറസ്റ്റ് ചെയ്തത്.
ഇവരെ കൂടാതെ രണ്ടുപേരെ പോലിസ് കസ്റ്റഡിയിലെടുത്തു. ഒരാളെ ജയ്ഹിന്ദ് മാര്‍ക്കറ്റില്‍ നിന്നും രണ്ടുപേരെ സാഹിത്യ അക്കാദമിയില്‍ നിന്നുമായാണ് കസ്റ്റഡിയിലെടുത്തിരിക്കുന്നത്. ഇവരില്‍നിന്ന് തിരഞ്ഞെടുപ്പ് വിരുദ്ധ മുദ്രാവാക്യങ്ങള്‍ അച്ചടിച്ച 15 ഓളം പോസ്റ്ററുകള്‍ പിടിച്ചെടുത്തു. പോരാട്ടം പ്രവര്‍ത്തകരാണ് അറസ്റ്റിലായവരെന്ന് പോലിസ് പറഞ്ഞു. തിരഞ്ഞെടുപ്പ് ബഹിഷ്‌കരിക്കാനും ജനകീയജനാധിപത്യവിപ്ലവം നടത്താനും ആഹ്വാനം ചെയ്യുന്ന ലഘുലേഖകള്‍ മാവോവാദി അനുകൂലമെന്നാണ് പോലിസിന്റെ വിശദീകരണം. പ്രതികളെ രാത്രി തന്നെ മജിസ്‌ട്രേറ്റിനു മുന്നില്‍ ഹാജരാക്കി റിമാന്‍ഡ് ചെയ്യുമെന്ന് പോലിസ് അറിയിച്ചു.

Share on FacebookShare on Google+Tweet about this on TwitterShare on LinkedIn
(Visited 80 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക