|    Mar 25 Sat, 2017 11:10 pm
FLASH NEWS

തിരഞ്ഞെടുപ്പ്: പ്രചാരണ സാമഗ്രികള്‍ നീക്കം ചെയ്ത് തുടങ്ങി

Published : 15th March 2016 | Posted By: SMR

കാസര്‍കോട്: നിയമസഭാ തിരഞ്ഞെടുപ്പിന് മുന്നോടിയായി തിരഞ്ഞെടുപ്പ് കമ്മീഷന്‍ രൂപീകരിച്ച ആന്റി ഡീഫേസ്‌മെന്റ് സ്‌ക്വാഡ് ജില്ലയില്‍ പ്രവര്‍ത്തനം ശക്തമാക്കി. ജില്ലാ കലക്ടര്‍ ഇ ദേവദാസന്‍ വിളിച്ചുചേര്‍ത്ത രാഷ്ട്രീയകക്ഷിപ്രതിനിധികളുടെ യോഗ തീരുമാനപ്രകാരം, ഇതുവരെ നീക്കം ചെയ്യാത്ത പ്രചരണസാമഗ്രികളാണ് ഉദ്യോഗസ്ഥസംഘം നീക്കം ചെയ്യുന്നത്.
ഇതിനാവശ്യമായി വരുന്ന ചെലവ് ബന്ധപ്പെട്ട കക്ഷികളില്‍ നിന്ന് ഈടാക്കും. അഞ്ച് ടീമുകളെയാണ് ഇതിനായി നിയോഗിച്ചിട്ടുള്ളത്. കാസര്‍കോട് നിയമസഭാ മണ്ഡലത്തിലേക്ക് സ്‌പെഷ്യല്‍ തഹസില്‍ദാര്‍ (എന്‍എച്ച്എല്‍എ) എകെ രമേന്ദ്രന്റെ നേതൃത്വത്തില്‍ നിയോഗിച്ച സംഘം രാവിലെ കലക്ടറേറ്റിലും സിവില്‍ സ്റ്റേഷന്‍ വളപ്പിലും സ്ഥാപിച്ചിരുന്ന പോസ്റ്ററുകളും ബാനറുകളും നീക്കം ചെയ്തു. തിരഞ്ഞെടുപ്പ് കമ്മീഷന്‍ നിയോഗിച്ച ആന്റി ഡിഫേയ്‌സ്‌മെന്റ് സ്‌ക്വാഡ് പൊതുജനങ്ങള്‍, രാഷ്ട്രീയ കക്ഷികള്‍, സര്‍വീസ് സംഘടനകള്‍, ബഹുജന സംഘടനകള്‍ തുടങ്ങിയവര്‍ സ്ഥാപിച്ച ബാനറുകള്‍, പോസ്റ്ററുകള്‍. കട്ടൗട്ടുകള്‍, കൊടിതോരണങ്ങള്‍ എന്നിവയെല്ലാമാണ് നീക്കം ചെയ്യുന്നത്.

(Visited 44 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക