|    Jan 21 Sat, 2017 8:57 pm
FLASH NEWS

തിരഞ്ഞെടുപ്പ് പരാജയം: കെപിസിസി മേഖലാ സമിതികളുടെ ആദ്യയോഗം നാളെ

Published : 12th June 2016 | Posted By: SMR

തിരുവനന്തപുരം: നിയമസഭാ തിരഞ്ഞെടുപ്പ് പരാജയം പഠിക്കുന്നതിനായി കെപിസിസി ക്യാംപ് എക്‌സിക്യൂട്ടീവ് നിയോഗിച്ച 4 മേഖലാ സമിതികളുടെ യോഗം നാളെ ചേരും. കെപിസിസി പ്രസിഡന്റ് വി എം സുധീരന്റെ അധ്യക്ഷതയില്‍ രാവിലെ 11 മണിക്ക് ഇന്ദിരാ ഭവനിലായിരിക്കും യോഗം ചേരുകയെന്ന് ജനറല്‍ സെക്രട്ടറി അഡ്വ. സജീവ് ജോസഫ് അറിയിച്ചു.
തിരുവനന്തപുരം, കൊല്ലം പത്തനംതിട്ട അടങ്ങുന്ന മേഖലയിലെ പ്രശ്‌നങ്ങള്‍ പരിശോധിക്കുന്ന കമ്മിറ്റിയുടെ തലവന്‍ ജോണ്‍സണ്‍ എബ്രഹാമായിരിക്കും. ബാബു പ്രസാദ്, ജയ്‌സണ്‍ ജോസഫ് എന്നിവരായിരിക്കും മേഖലാ സമിതിയിലെ അംഗങ്ങള്‍.
ആലപ്പുഴ, എറണാകുളം, തൃശൂര്‍ ജില്ലകളുടെ കമ്മിറ്റിയുടെ തലവന്‍ ഭാരതിപുരം ശശിയും ശൂരനാട് രാജശേഖരന്‍, ബിന്ദുകൃഷ്ണ എന്നിവര്‍ അംഗങ്ങളുമായിരിക്കും. പാലക്കാട്, കോഴിക്കോട്, മലപ്പുറം ജില്ലയ്ക്കുള്ള കമ്മിറ്റിയെ നയിക്കുക സജീവ് ജോസഫായിരിക്കും പ്രഫ: ജി ബാലചന്ദ്രന്‍, അബ്ദുല്‍ മുത്തരിഫ് എന്നിവര്‍ അംഗങ്ങളും. വയനാട്, കാസര്‍കോട്, കണ്ണൂര്‍ ജില്ലകളിലെ പരാജയം പരിശോധിക്കുന്ന കമ്മിറ്റിയുടെ കണ്‍വീനര്‍ വിഎ നാരായണനാണ്. കെ പി അനില്‍കുമാറും വി വി പ്രകാശും ഇതില്‍ അംഗങ്ങളുമായിരിക്കും. മേഖലാ സമിതികളുടെ ആദ്യയോഗമാണ് നാളെ ചേരുന്നത്.
തിരഞ്ഞെടുപ്പുപ്രവര്‍ത്തനത്തില്‍ പാര്‍ട്ടിയുടെ കീഴ്ഘടങ്ങള്‍ക്ക് വീഴ്ചപറ്റിയിട്ടുണ്ടോയെന്നതായിരിക്കും പ്രധാനമായും പരിശോധിക്കുക. കോണ്‍ഗ്രസ്സിന്റെ പരമ്പരാഗത വോട്ടുകള്‍ നഷ്ടപ്പെടാനിടയായതും പല മണ്ഡലങ്ങളിലും കോണ്‍ഗ്രസ് മൂന്നാംസ്ഥാനത്തേക്ക് പിന്തള്ളപ്പെട്ടതും പരിശോധനയ്ക്കു വരും.
കോണ്‍ഗ്രസ് മൂന്നാംസ്ഥാനത്തെത്തിയ സ്ഥലങ്ങളില്‍ ബിജെപിക്ക് വോട്ടുവര്‍ധനവുണ്ടായിട്ടുണ്ട്. ഇതെല്ലാം മേഖലാസമിതികള്‍ പഠനവിധേയമാക്കും.

Share on FacebookShare on Google+Tweet about this on TwitterShare on LinkedIn
(Visited 29 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക