|    Sep 25 Mon, 2017 10:41 pm
FLASH NEWS
Home   >  Todays Paper  >  Page 4  >  

തിരഞ്ഞെടുപ്പ് ചട്ടം ലംഘിച്ച ജി സുധാകരനെ അയോഗ്യനാക്കണം: എ എ ഷുക്കൂര്‍

Published : 17th May 2016 | Posted By: SMR

ആലപ്പുഴ: വോട്ടര്‍ക്കല്ലാതെ മറ്റൊരാള്‍ക്ക് കടന്നുചെല്ലാന്‍ വിലക്കുള്ള വോട്ടിങ് മെഷീന്റെ അരികിലേക്ക് ചട്ടം ലംഘിച്ച് കടന്നുചെന്ന് വോട്ടറെ സ്വാധീനിച്ച് തനിക്ക് അനുകൂലമായി വോട്ട് ചെയ്യിച്ച നടപടി തിരഞ്ഞെടുപ്പ് ചട്ടങ്ങളുടെ ലംഘനമാണെന്ന് ഡിസിസി പ്രസിഡന്റ് എ എ ഷുക്കൂര്‍ ആരോപിച്ചു. പ്രതിപക്ഷനേതാവ് വി എസ് അച്യുതാനന്ദന്‍ പറവൂരില്‍ വോട്ട് ചെയ്യാന്‍ എത്തിയപ്പോളാണ് ഈ ചട്ടലംഘനം ജി സുധാകരന്‍ നടത്തിയത്.
ഓപണ്‍ വോട്ട് ചെയ്യുന്നതിന് രക്തബന്ധം ഉള്ളവര്‍ സത്യവാങ്മൂലം നല്‍കണം എന്നിരിക്കെ വിഎസിന്റെ മകനോടെപ്പം പോളിങ് സ്‌റ്റേഷനില്‍ കടന്നുചെന്ന് മെഷീനരികില്‍ രണ്ടാണ് എന്റെ ചിഹ്നം എന്നു പറയുകയും വിഎസ് വോട്ട് ചെയ്യുന്നത് എത്തിനോക്കുകയും ചെയ്തത് ജനപ്രാതിനിധ്യ നിയമം സെക്ഷന്‍ 128 പ്രകാരം ചട്ടലംഘനമാണ്. ഈ ചട്ടലംഘനം ചൂണ്ടിക്കാട്ടി സുധാകരനെ അയോഗ്യനാക്കണമെന്നാവശ്യപ്പെട്ട് ജില്ലാ വരണാധികാരിക്കും സംസ്ഥാന വരണാധികാരിക്കും പരാതി നല്‍കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക