|    Oct 18 Wed, 2017 8:33 pm
FLASH NEWS
Home   >  Todays Paper  >  page 7  >  

തിരഞ്ഞെടുപ്പിനു കൂട്ടായ നേതൃത്വം; കേരളം: മുഖ്യമന്ത്രി സ്ഥാനാര്‍ഥിയില്ലാതെ മല്‍സരിക്കാന്‍ ഹൈക്കമാന്‍ഡ് നിര്‍ദേശം

Published : 20th February 2016 | Posted By: SMR

ന്യൂഡല്‍ഹി: മുഖ്യമന്ത്രി സ്ഥാനാര്‍ഥിയില്ലാതെ കൂട്ടായ നേതൃത്വത്തിലൂടെ തിരഞ്ഞെടുപ്പിനെ നേരിടണമെന്നു സംസ്ഥാനത്തെ കോണ്‍ഗ്രസ് നേതാക്കള്‍ക്കു ഹൈക്കമാന്‍ഡ്.
അഴിമതി ആരോപണങ്ങളും വിവാദ വെളിപ്പെടുത്തലുകളും രൂക്ഷമായ നിലവിലെ സാഹചര്യത്തില്‍ തിരഞ്ഞെടുപ്പില്‍ കോണ്‍ഗ്രസ് പരാജയപ്പെടുമെന്ന് വ്യക്തമാക്കി കോണ്‍ഗ്രസ് നേതാവ് ഗുലാംനബി ആസാദ് നല്‍കിയ റിപോര്‍ട്ട് പരിഗണിച്ചാണ് ഹൈക്കമാന്‍ഡ് ഈ നിര്‍ദേശം നല്‍കിയിരിക്കുന്നത്.
ഗ്രൂപ്പ്‌പോര് രൂക്ഷമായതോടെ സംസ്ഥാനത്ത് കോണ്‍ഗ്രസ്സിന്റെ അവസ്ഥ അത്യന്തം ദയനീയമാണെന്നാണ് ഹൈക്കമാന്‍ഡിന്റെ വിലയിരുത്തല്‍. ഇതിനൊപ്പംതന്നെ യുഡിഎഫ് ഭരണത്തിനെതിരേ അഴിമതി ആരോപണം ശക്തമായതും സോളാര്‍ കേസുമായി ബന്ധപ്പെട്ടു സരിതയുടെ വെളിപ്പെടുത്തലും ഉമ്മന്‍ചാണ്ടിക്ക് തിരിച്ചടിയായിട്ടുണ്ട്.
എന്നാല്‍, ഘടക കക്ഷികളായ മുസ്‌ലിംലീഗിന്റെയും കേരളാ കോണ്‍ഗ്രസ്സിന്റെയും പിന്തുണ കാണിച്ച് ഹൈക്കമാന്‍ഡിനെ അടക്കിനിര്‍ത്താനുള്ള നീക്കം ഉമ്മന്‍ചാണ്ടി നടത്തിയിരുന്നു. തന്നെ നേതൃത്വ സ്ഥാനത്തുനിന്നു മാറ്റിയാല്‍ ക്രിസ്ത്യന്‍ വോട്ടുകള്‍ പൂര്‍ണമായും നഷ്ടപ്പെടുമെന്ന ഭീഷണിയാണ് ഉമ്മന്‍ചാണ്ടിയുടേത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക