|    May 23 Tue, 2017 12:42 pm
FLASH NEWS

തിരക്കിനനുസരിച്ച് ട്രെയിന്‍ ടിക്കറ്റ് നിരക്കില്‍ മാറ്റം

Published : 8th September 2016 | Posted By: SMR

ന്യൂഡല്‍ഹി: പ്രീമിയം ട്രെയിനുകളില്‍ വിമാന ടിക്കറ്റുകളുടെ മാതൃകയില്‍ ഫഌക്‌സി ചാര്‍ജുകള്‍ നടപ്പാക്കാന്‍ ഇന്ത്യന്‍ റെയില്‍വേ തീരുമാനിച്ചു. ആവശ്യക്കാര്‍ ഏറുന്നതിനനുസരിച്ച് നിരക്കുകളില്‍ മാറ്റം വരുന്ന രീതിയാണിത്. തുടക്കത്തില്‍ രാജധാനി, തുരന്തോ, ശതാബ്ദി ട്രെയിനുകളിലാണ് ഫഌക്‌സി ചാര്‍ജുകള്‍ നടപ്പാക്കുക. നാളെ മുതല്‍ ഫളക്‌സി ചാര്‍ജുകള്‍ നിലവില്‍ വരും. എന്നാല്‍, മുമ്പ് ബുക്ക് ചെയ്ത ടിക്കറ്റുകള്‍ക്ക് നിരക്കുവ്യത്യാസം ബാധകമല്ല. കുറഞ്ഞ സീറ്റുകള്‍ മാത്രമേ ട്രെയിനില്‍ ഉള്ളൂവെങ്കില്‍ യാത്രക്കാര്‍ ടിക്കറ്റിനു കൂടുതല്‍ പണം നല്‍കേണ്ടിവരും. പത്തു ശതമാനം ടിക്കറ്റ് വില്‍പന നടന്നാല്‍ ടിക്കറ്റിന് 10 ശതമാനം വില വര്‍ധിക്കും. ഫസ്റ്റ്ക്ലാസ് എസിക്ക് ഇത് ബാധകമാവില്ല. ഫഌക്‌സി രീതിയില്‍ നിരക്കില്‍ വ്യത്യാസം വരുന്നതോടെ കാറ്ററിങ്, റിസര്‍വേഷന്‍, സേവന നികുതി, സൂപ്പര്‍ഫാസ്റ്റ് ചാര്‍ജ് തുടങ്ങിയവ ടിക്കറ്റ് നിരക്കില്‍ നിന്നു വേര്‍തിരിക്കും. ഇവയില്‍ വ്യത്യാസമുണ്ടാകില്ല.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day