|    Jan 18 Wed, 2017 3:51 pm
FLASH NEWS

തിയേറ്റര്‍ സമരം പിന്‍വലിച്ചു

Published : 1st May 2016 | Posted By: SMR

കൊച്ചി: സംസ്ഥാനത്തെ എ ക്ലാസ് തിയേറ്റര്‍ ഉടമകള്‍ മെയ് രണ്ടു മുതല്‍ നടത്താനിരുന്ന അനിശ്ചിതകാല സമരം പിന്‍വലിച്ചു. മെയ് രണ്ടിനകം സംസ്ഥാനത്തെ മുഴുവന്‍ തിയേറ്ററുകളിലും ഇ-ടിക്കറ്റിങ് സംവിധാനം ഏര്‍പ്പെടുത്തണമെന്ന സര്‍ക്കാ ര്‍ ഉത്തരവിന്മേല്‍ രണ്ടു മാസത്തെ ഇളവു ലഭിച്ചതിനെ തുടര്‍ന്നാണ് സമരം പിന്‍വലിക്കുന്നതെന്ന് കേരള ഫിലിം എക്‌സിബിറ്റേഴ്‌സ് ഫെഡറേഷന്‍ പ്രസിഡന്റ് ലിബര്‍ട്ടി ബഷീര്‍ പറഞ്ഞു.
അനിശ്ചിതകാല സമരത്തിലേക്കു നീങ്ങുമെന്ന കേരള ഫിലിം എക്‌സിബിറ്റേഴ്‌സ് ഫെഡറേഷന്റെ കടുത്ത സമ്മര്‍ദ്ദത്തെ തുടര്‍ന്നാണ് നിയമത്തില്‍ ഇളവു നല്‍കാന്‍ സര്‍ക്കാര്‍ തയ്യാറായത്. ടിക്കറ്റിങ് മെഷീന്‍ സ്ഥാപിക്കാത്ത തിയേറ്ററുകള്‍ക്ക് മെയ് രണ്ടു മുതല്‍ ടിക്കറ്റുകള്‍ സീല്‍ ചെയ്തു നല്‍കില്ലെന്ന സര്‍ക്കാ ര്‍ ഉത്തരവ് ജൂലൈ ഒന്നു വരെ നടപ്പാക്കില്ല. ടിക്കറ്റിങ് മെഷീന്‍ ഏര്‍പ്പെടുത്തുന്നത് രണ്ടു മാസത്തേക്ക് നീട്ടിവച്ച സര്‍ക്കാര്‍ നടപടിയെ ഫെഡറേഷന്‍ സ്വാഗതം ചെയ്തു.
മന്ത്രി മുനീറിനെക്കുറിച്ചു നടത്തിയ തെറ്റിദ്ധാരണാജനകമായ പ്രസ്താവനകളില്‍ കേരള ഫിലിം എക്‌സിബിറ്റേഴ്‌സ് ഫെഡറേഷന്‍ ഖേദിക്കുന്നതായും പ്രസ്താവനകള്‍ പിന്‍വലിക്കുന്നതായും ലിബര്‍ട്ടി ബഷീര്‍ പത്രക്കുറിപ്പില്‍ അറിയിച്ചു.

Share on FacebookShare on Google+Tweet about this on TwitterShare on LinkedIn
(Visited 41 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക