|    Jul 18 Wed, 2018 6:55 am
FLASH NEWS
Home   >  Todays Paper  >  Page 1  >  

താഹിര്‍ മര്‍ച്ചന്റിന്റെ വധശിക്ഷ സ്‌റ്റേ ചെയ്തു

Published : 5th December 2017 | Posted By: kasim kzm

ന്യൂഡല്‍ഹി: 1993ലെ മുംബൈ സ്‌ഫോടന പരമ്പരയുമായി ബന്ധപ്പെട്ട കേസില്‍ താഹിര്‍ മര്‍ച്ചന്റിന്റെ വധശിക്ഷ നടപ്പാക്കുന്നത് സുപ്രിംകോടതി സ്‌റ്റേ ചെയ്തു. കേസില്‍ ഫിറോസ് അബ്ദുല്‍ റാഷിദ് ഖാന്‍, അബൂ സലീം എന്നിവര്‍ക്കൊപ്പമാണ് മര്‍ച്ചന്റിന് മുംബൈയിലെ പ്രത്യേക ടാഡാ കോടതി വധശിക്ഷ വിധിച്ചത്. കേസിന്റെ രണ്ടാംഘട്ട വിചാരണയിലായിരുന്നു വിധി. ടാഡാ കോടതി ഉത്തരവിനെതിരേ സപ്തംബര്‍ ഏഴിനാണ് മര്‍ച്ചന്റ് സുപ്രിംകോടതിയെ സമീപിച്ചത്. സിബിഐക്ക് നോട്ടീസയച്ച കോടതി, ആറുമാസത്തിനകം പ്രതികരണമറിയിക്കാന്‍ ആവശ്യപ്പെട്ടിട്ടുണ്ട്. കേസുമായി ബന്ധപ്പെട്ട ടാഡാ കോടതിയുടെ രേഖകള്‍ ഹാജരാക്കാന്‍ രജിസ്ട്രാര്‍ക്കും നിര്‍ദേശം നല്‍കി. ഹരജിയില്‍ മാര്‍ച്ച് 14ന് അടുത്ത വാദം കേള്‍ക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss