|    Aug 19 Sun, 2018 8:50 pm
FLASH NEWS

താലൂക്ക് ഓഫിസ് കവാടത്തിന്റെ ഗേറ്റ് അടച്ചിട്ടതില്‍ പ്രതിഷേധം

Published : 31st December 2017 | Posted By: kasim kzm

വൈക്കം: താലൂക്ക് ഓഫിസിന്റെ പ്രധാന കവാടത്തിന്റെ ഗെയ്റ്റ് അടച്ച അധികാരികളുടെ നടപടി വിവാദത്തിലേക്ക്. ഗേറ്റ് അടച്ചതോടെ പെന്‍ഷന്‍ വാങ്ങാനെത്തുന്നവര്‍ പലരും ഇതുമൂലം ബുദ്ധിമുട്ടി. പെന്‍ഷന്‍കാരുടെ ബുദ്ധിമുട്ട് കണ്ട് പെന്‍ഷന്‍ വാങ്ങാനെത്തിയ മുന്‍ എംഎല്‍എ പി നാരായണന്‍ കാര്യം തിരക്കാന്‍ അധികാരികളുടെ മുന്നിലെത്തി. എന്നാല്‍ കൃത്യമായ മറുപടി ഇവര്‍ നല്‍കിയില്ല. സര്‍ക്കാര്‍ ഓഫിസുകളെല്ലാം സ്ഥിതി ചെയ്യുന്ന മിനി സിവില്‍ സ്റ്റേഷനിലാണ് അധികാരികളുടെ ധിക്കാരപരമായ ഈ നടപടി അരങ്ങേറിയത്. പ്രതിഷേധം അതിരുവിട്ടിട്ടും ഗേറ്റ് തുറക്കാന്‍ ട്രഷറി അധികാരികള്‍ പോലും കൂട്ടാക്കിയില്ല. ആവശ്യക്കാര്‍ എങ്ങനെയെങ്കിലും ഇവിടെയെത്തി കാര്യങ്ങള്‍ നടത്തി പോവുമെന്ന നിലപാടിലായിരുന്നു ഉദ്യോഗസ്ഥര്‍. വരുംദിവസം ഗേറ്റ് തുറക്കാന്‍ അധികാരികള്‍ കൂട്ടാക്കിയില്ലെങ്കില്‍ ശക്തമായ പ്രതിഷേധ പരിപാടികള്‍ക്ക് താലൂക്ക് ഓഫിസ് പരിസരം സാക്ഷിയാവേണ്ടി വരും. വിഷയത്തില്‍ തഹസില്‍ദാര്‍ ഇടപെട്ട് പരിഹാരം ഉണ്ടാക്കണമന്നാണ് പെന്‍ഷന്‍കാര്‍ ഉള്‍പ്പെടെയുള്ളവരുടെ ആവശ്യം. വിഷയം പരിഹരിച്ചില്ലെങ്കില്‍ കാര്യങ്ങള്‍ സര്‍ക്കാരിന്റെ ശ്രദ്ധയില്‍പ്പെടുത്തുമെന്ന് മുന്‍ എംഎല്‍എ പി നാരായണന്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss