|    Oct 20 Sat, 2018 10:42 pm
FLASH NEWS

താലൂക്ക് ആശുപത്രിയില്‍ വിദഗ്ധ ഡോക്ടര്‍മാരെ നിയമിക്കാന്‍ തീരുമാനം

Published : 7th April 2018 | Posted By: kasim kzm

പൊന്നാനി: പൊന്നാനി താലൂക്ക് ആശുപത്രിയില്‍ ഏഴു പരിശോധന വിഭാഗങ്ങളില്‍ വിദഗ്ധ ഡോക്ടര്‍മാരെയും, പ്രസവ വാര്‍ഡുകളില്‍ ആറ് ഗൈനക്കോളജി ഡോക്ടര്‍മാരുടെയും സേവനം ലഭ്യമാക്കാന്‍ പ്രത്യേക യോഗത്തില്‍ തീരുമാനം.
നേത്രരോഗ വിഭാഗം, ഇഎന്‍ടി, തൊലി, ഓര്‍ത്തോ, പല്ല്, ജനറല്‍ വിഭാഗം, സര്‍ജന്‍ എന്നീ മേഖലയില്‍ വിദഗ്ധ ഡോക്ടര്‍മാരെയും പ്രസവ വാര്‍ഡുകളില്‍ മുഴുവന്‍ സമയ സേവനവും ലഭ്യമാക്കാനാണ് തീരുമാനം. മൂന്നാഴ്ചയ്ക്കുള്ളില്‍ പുതിയ ഡോക്ടര്‍മാരെ നിയോഗിച്ച് പരിശോധന ആരംഭിക്കും. കൂടാതെ വൈകീട്ട് ആശുപത്രിയില്‍ പരിശോധനക്കായി നിലവിലുള്ള ഡോക്ടര്‍ക്കൊപ്പം ഒരാളെയും, നാലു ജീവനക്കാരെയും നിയമിക്കാനും യോഗത്തില്‍ തീരുമാനമായി.യോഗത്തില്‍ മുനിസിപ്പല്‍ ചെയര്‍മാന്‍ സി പി മുഹമ്മദ് കുഞ്ഞി അധ്യക്ഷത വഹിച്ചു. ഡെപ്യൂട്ടി ഡിഎംഒ ഡോ.കെ വി  പ്രകാശ്, സ്പീക്കറുടെ പ്രതിനിധി ടി. ജമാലുദ്ദീന്‍, താലൂക്ക് ആശുപത്രി സൂപ്രണ്ട് ഡോ. ഷാജ് കുമാര്‍, മാതൃ ശിശു ആശുപത്രി സൂപ്രണ്ട് ഡോ. ആശ എന്നിവര്‍ പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss