|    May 30 Tue, 2017 9:15 am

തായ്‌വാന്‍ ഭൂചലനം: കെട്ടിട നിര്‍മാതാക്കള്‍ കസ്റ്റഡിയില്‍

Published : 10th February 2016 | Posted By: SMR

തായ്‌പേയ്: തായ്‌വാനിലെ ഭൂചലനത്തില്‍ കെട്ടിടം തകര്‍ന്ന് 39 ആളുകള്‍ മരിച്ച സംഭവത്തില്‍ കെട്ടിടനിര്‍മാതാക്കളെ പോലിസ് കസ്റ്റഡിയിലെടുത്തു. ശനിയാഴ്ചയുണ്ടായ ഭൂചലനത്തില്‍ തകര്‍ന്ന തെയ്‌നാനിലെ വെയ്ങ്ജുവാന്‍ ജിന്‍ജോങ് എന്ന പാര്‍പ്പിട സമുച്ചയത്തിന്റെ നിര്‍മാതാക്കളെയാണ് തായ്‌വാന്‍ പോലിസ് കസ്റ്റഡിയിലെടുത്തത്. ഇവരെ ചോദ്യം ചെയ്തുവരികയാണ്.
320 ഓളം പേരെ രക്ഷപ്പെടുത്തിയ ഭൂചലനത്തില്‍ നൂറോളം പേര്‍ ഇപ്പോഴും അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നുണ്ട്. ഭൂചലനത്തില്‍ കേടുപാടുകള്‍ പറ്റിയ കെട്ടിടങ്ങളിലൊന്നായ വെയ്ങ് ജുവാന്റെ നിര്‍മാണത്തിലെ കൃത്രിമമാണ് മരണസംഖ്യ ഉയരാന്‍ കാരണമെന്ന് കാണിച്ചാണ് ചോദ്യം ചെയ്യല്‍. കെട്ടിട നിര്‍മാതാക്കളായ ചാങ്, ചെങ് എന്നിവരേയാണ് കോടതിയില്‍ ഹാജരാക്കിയ ശേഷം ചോദ്യം ചെയ്യലിനായി കസ്റ്റഡിയില്‍ വാങ്ങിയത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day