|    Jun 22 Fri, 2018 6:36 pm
FLASH NEWS

താന്നിക്കല്‍പമ്പ്ഹൗസ് പയ്യമ്പള്ളി റോഡ് പൂര്‍ണമായും തകര്‍ന്നു

Published : 6th May 2017 | Posted By: fsq

 

മാനന്തവാടി: കൊയിലേരി റോഡില്‍ നിന്ന് ആരംഭിച്ച് പ്രതീക്ഷാ നഗറില്‍ എത്തുന്ന താന്നിക്കല്‍-പമ്പ്ഹൗസ്-പയ്യമ്പളളി റോഡ് ഗതാഗതയോഗ്യമല്ലാത്ത വിധം തകര്‍ന്നു. മാനന്തവാടിയില്‍ നിന്ന് പയ്യമ്പളളിയിലേക്ക് എത്താനുളള ഏറ്റവും എളുപ്പമുളള റോഡാണിത്. അതുകൊണ്ട് തന്നെ കുറുവാ ദിപിലേക്കുളള വിനോദസഞ്ചാരികളും മറ്റും ഈ റോഡിനെയാണ് കൂടുതലായി ആശ്രയിക്കാറ്. റോഡ് ഗതാഗതയോഗ്യമാക്കണമെന്ന് ആവശ്യപ്പെട്ട് നാട്ടുകാര്‍ പലവട്ടം നഗരസഭാ അധികൃതരെ സമീപിച്ചെങ്കിലും അവഗണന മാത്രമാണ് ഫലമെന്ന് നാട്ടുകാര്‍ ആരോപിക്കുന്നു. മാനന്തവാടി പഞ്ചായത്തിലെ തന്നെ ഏറ്റവും പഴക്കമുളള റോഡുകളിലൊന്നാണിത്. കേവലം രണ്ട് കിലോമീറ്ററോളം മാത്രം ദൈര്‍ഘ്യമുളള റോഡ് വീതി കൂട്ടി ടാറിങ് നടത്തിയാല്‍ കുറുവാ ദ്വീപിലേക്കുളള യാത്രക്കാര്‍ക്ക് ഏറെ സഹായകരമാകും. പാടുകാണ, മിയല്‍ക്കുനി കോളനികളിലുളളവരുടെ ഏക ആശ്രയമാണിത്. പാടേ തകര്‍ന്ന റോഡിലൂടെയുളള യാത്ര അതീവ ദുഷ്‌കരമാണ്. റോഡ് ടാറിങ് നടത്തിയിട്ട് ഏറെ വര്‍ഷങ്ങളായി. എന്നാല്‍ അതിന് ശേഷം ഒരിക്കല്‍ പോലും റോഡ്പൂര്‍ണമായി റീട്ടാറിങ് ന ടത്തിയിട്ടില്ലെന്ന് നാട്ടുകാര്‍ പറയുന്നു. പേരിനെങ്കിലും അറ്റകുറ്റപണി നടത്തിയിട്ട് പോലും വര്‍ഷം രണ്ട് കഴിഞ്ഞു. കഴിഞ്ഞ നഗരസഭാ തിരഞ്ഞെടുപ്പില്‍ പോലും പ്രധാന പ്രചാരണ വിഷയമായിരുന്നു ഈ റോഡിന്റെ ശോച്യാവസ്ഥ. തിരഞ്ഞെടുപ്പ് സമയത്ത് നല്‍കിയ ഉറപ്പുകള്‍ വിജയിച്ച ശേഷം ജനപ്രതിനിധികള്‍ മറന്നെന്നാണ് വോട്ടര്‍മാരുടെ ആക്ഷേപം. മഴക്കാലത്ത് റോഡ്തോടായി മാറുന്ന അവസ്ഥയാണുളളത്. മഴ ശക്തമാകുന്നതിന് മുമ്പായി അറ്റകുറ്റപ്പണി നടത്തിയെങ്കിലും റോഡ് ഗതാഗതയോഗ്യമാക്കണമെന്നാണ് നാട്ടുകാരുടെ ആവശ്യം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss