|    Nov 21 Wed, 2018 1:45 am
FLASH NEWS
Home   >  Todays Paper  >  page 9  >  

താടിയും ഹിജാബും നിരോധിച്ചത് പുനപ്പരിശോധിക്കണമെന്ന് ആവശ്യപ്പെട്ട ഇമാമിന് ജോലി പോയി

Published : 11th September 2018 | Posted By: kasim kzm

താഷ്‌കന്റ്: മുസ്്‌ലിം സ്ത്രീകള്‍ ഹിജാബ് ധരിക്കുന്നതും പുരുഷന്‍മാര്‍ താടിവയ്ക്കുന്നതും നിരോധിച്ച തീരുമാനം പുനപ്പരിശോധിക്കണമെന്ന് ആവശ്യപ്പെട്ട പള്ളി ഇമാമിനു സര്‍ക്കാര്‍ സമിതിയിലെ പ്രാതിനിധ്യം നഷ്ടമായി. മതചിഹ്നങ്ങള്‍ ധരിക്കാനുള്ള അനുമതി പുനസ്ഥാപിക്കണമെന്നു പ്രസിഡന്റ് ഷൗക്കത്ത് മിര്‍സിയോവിനോട് ആവശ്യപ്പെട്ടതിനാണു ഫസലുദ്ദീന്‍ പര്‍പ്പിയേവിനെ ഉസ്‌ബെകിസ്താന്‍ മുസ്‌ലിം ബോര്‍ഡില്‍ നിന്നു പുറത്താക്കിയത്. പഴയ സോവിയറ്റ് യൂനിയന്റെ ഭാഗമായ ഉസ്‌ബെകിസ്താനില്‍ മതചിഹ്നങ്ങള്‍ ധരിക്കുന്നതിനു വര്‍ഷങ്ങളായി അനുമതി നല്‍കിയിരുന്നില്ല. എന്നാല്‍ 2016ല്‍ ഷൗക്കത്ത് മിര്‍സിയോവ് അധികാരത്തിലേറിയതോടെ നിയമത്തില്‍ ഇളവു നല്‍കുകയായിരുന്നു. അദ്ദേഹത്തിന്റെ തിരഞ്ഞെടുപ്പു വാഗ്ദാനങ്ങളിലൊന്നായിരുന്നു ഈ നടപടി. കഴിഞ്ഞ ആഗസ്തില്‍ പക്ഷേ അനുമതി പിന്‍വലിക്കുകയും മതപരമായ വേര്‍തിരിവു സൂചിപ്പിക്കുന്ന വസ്ത്രങ്ങള്‍ ധരിക്കരുതെന്നു നിയമമുണ്ടാക്കുകയും ചെയ്തു. ഇതോടെ ഫസലുദ്ദീന്‍ പര്‍പ്പിയേവ് ഹിജാബും താടിയും അനുവദിക്കണമെന്നു സാമൂഹിക മാധ്യമങ്ങള്‍ വഴി ആവശ്യപ്പെടുകയായിരുന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss