|    Nov 16 Fri, 2018 12:14 am
FLASH NEWS

തളിപ്പറമ്പിലെ വസ്ത്രാലയത്തില്‍ തീപ്പിടിത്തം

Published : 20th April 2018 | Posted By: kasim kzm

തളിപ്പറമ്പ്: മെയിന്‍ റോഡിലെ വസ്ത്രാലത്തില്‍ തീപ്പിടിത്തം. വ്യാപാരി വ്യവസായി ഏകോപന സമിതി തളിപ്പറമ്പ് യൂനിറ്റ് സെക്രട്ടറി കെ പി താജുദ്ദീന്‍, സഹോദരന്‍ നൗഷാദ് എന്നിവരുടെ ഉടമസ്ഥതയിലുള്ള ന്യൂക്ലോത്ത് സ്റ്റോറിലാണ് അഗ്നിബാധ.ഇന്നലെ രാവിലെ എട്ടോടെയാണ് സംഭവം. രണ്ടാം നിലയിലെ ഫാനിലുണ്ടായ ഷോര്‍ട്ട് സര്‍ക്യൂട്ടാണ് അപകടത്തിനു കാരണമെന്നാണ് പ്രാഥമിക നിഗമനം. ഇവിടെനിന്ന് തീ മൂന്നാം നിലയിലേക്ക് വ്യാപിക്കുകയായിരുന്നു. സംഭവമറിഞ്ഞ് എസ്‌ഐ പി എ ബിനുമോഹന്റെ നേതൃത്വത്തിലുള്ള പോലിസ് സംഘവും ഫയര്‍ഫോഴ്‌സുമെത്തി രക്ഷാപ്രവര്‍ത്തനം നടത്തി. സമീപത്തെ കടയുടമകളും രക്ഷാപ്രവര്‍ത്തനത്തില്‍ പങ്കാളികളായി. ഈ ഭാഗങ്ങളില്‍ സൂക്ഷിച്ചിരുന്ന വസ്ത്രങ്ങളും സീലിങും ചാമ്പലായി. ലക്ഷങ്ങളുടെ നഷ്ടം കണക്കാക്കുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss