|    Aug 15 Wed, 2018 6:41 am
FLASH NEWS

തളര്‍ന്നു കിടക്കുന്ന സ്ത്രീയെ പീഡിപ്പിച്ച യുവാവ് അറസ്റ്റില്‍

Published : 27th December 2017 | Posted By: kasim kzm

കുറ്റിപ്പുറം: തളര്‍ന്നുകിടക്കുന്ന 40 കാരിയെ പീഡിപ്പിച്ച അയല്‍വാസിയായ യുവാവിനെ പോലിസ് അറസ്റ്റ് ചെയ്തു. തവനൂര്‍ തൃക്കണാപുരത്ത് താമസിക്കുന്ന യുവതിയെയാണ് അയല്‍വാസിയായ യുവാവ് ഞായറാഴ്ച രാത്രി എട്ടോടെ പീഡിപ്പിച്ചത്. പ്രതി തൃക്കണാപുരം സ്വദേശി കോടിപ്പറമ്പില്‍ ശ്രീരാഗ്് (19) നെ  കുറ്റിപ്പുറം എസ്‌ഐ നിപുണ്‍ ശങ്കറും സംഘവും അറസ്റ്റ് ചെയ്ത് കോടതിയില്‍ ഹാജരാക്കി.
ഞായറാഴ്ച രാത്രി  പ്രതി ശരീരം തളര്‍ന്ന് കഴിയുന്ന യുവതിയുടെ വീട്ടിലെത്തി വൈദ്യുതി ബന്ധം വിച്ചേദിച്ചാണ് പീഡിപ്പിച്ചത്. യുവതിയുടെ ഭര്‍ത്താവ് പള്ളിയിലേക്ക് പ്രാര്‍ഥനയ്ക്കുപോയ സമയത്താണ് പ്രതിയെത്തിയത്. യുവതിയുടെ ബഹളം കേട്ട് പരിസരവാസികള്‍ ഓടിയെത്തിയെങ്കിലും പ്രതി ഓടി രക്ഷപ്പെട്ടു. പ്രതിയെ യുവതി തിരിച്ചറിഞ്ഞതോടെയാണ് അറസ്റ്റ്. ശ്രീരാഗ് കുറ്റസമ്മതം നടത്തിയതായി എസ്‌ഐ നിപുണ്‍ ശങ്കര്‍ പറഞ്ഞു. പ്രതിയെ റിമാന്‍ഡ് ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss