|    May 24 Thu, 2018 4:20 am
FLASH NEWS
Home   >  Sports  >  Cricket  >  

തല്ലിത്തകര്‍ത്ത് പാന്തും പൃഥിയും; രസംകൊല്ലിയായി വീണ്ടും മഴ

Published : 2nd May 2018 | Posted By: vishnu vis

ന്യൂഡല്‍ഹി: മഴമൂലം മല്‍സരം 18 ഓവറാക്കി ചുരുക്കിയ മല്‍സരത്തില്‍ രാജസ്ഥാനെതിരേ ഡല്‍ഹിക്ക് കൂറ്റന്‍ സ്‌കോര്‍. 17.1 ഓവര്‍ പൂര്‍ത്തിയാവുമ്പോള്‍ ഡല്‍ഹി ആറ് വിക്കറ്റിന് 196 എന്ന മികച്ച നിലയില്‍ നില്‍ക്കെ മഴ വീണ്ടും വില്ലനായെത്തുകയായിരുന്നു. തുടക്കം മുതല്‍ തല്ലിത്തകര്‍ത്ത ഡല്‍ഹിക്ക് കരുത്തായത് റിഷഭ് പാന്തിന്റെയും (69 ) ശ്രേയസ് അയ്യരുടെയും (50) അര്‍ധ സെഞ്ച്വറികളാണ്. ടോസ് നഷ്ടപ്പെട്ട് ബാറ്റിങിനിറങ്ങിയ ഡല്‍ഹിക്ക് തുടക്കത്തിലെ തന്നെ കോളിന്‍ മണ്‍റോയെ (0) നഷ്ടമായെങ്കിലും വെടിക്കെട്ട് പ്രകടനം പുറത്തെടുത്ത പൃഥി ഷാ (25 പന്തില്‍ 47) ഡല്‍ഹി ഇന്നിങ്‌സിന് അടിത്തറയേകുകയായിരുന്നു. 25 പന്തുകള്‍ നേരിട്ട് നാല് വീതം ഫോറും സിക്‌സുമാണ് പൃഥി അടിച്ചെടുത്തത്.പിന്നീട് മൂന്നാം വിക്കറ്റിലൊത്തുകൂടിയ ശ്രേയസും പാന്തും ചേര്‍ന്ന് ഡല്‍ഹിയെ മികച്ച സ്‌കോറിലേക്ക് നയിക്കുകയായിരുന്നു. പാന്ത് 29 പന്തില്‍ ഏഴ് ഫോറും അഞ്ച് സിക്‌സറും പറത്തിയപ്പോള്‍ ശ്രേയസ് 35 പന്തില്‍ മൂന്ന് വീതം സിക്‌സും ഫോറും അക്കൗണ്ടിലാക്കി. മധ്യനിരയില്‍ വിജയ് ശങ്കറും ( ആറ് പന്തില്‍ 17) മികച്ച പ്രകടനം പുറത്തെടുത്തു. രാജസ്ഥാന് വേണ്ടി ജയദേവ് ഉനദ്ഘട്ട് മൂന്ന് വിക്കറ്റുകള്‍ വീഴ്ത്തി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss