|    Jun 25 Mon, 2018 9:38 pm
FLASH NEWS
Home   >  Todays Paper  >  Page 4  >  

തലശ്ശേരി- മൈസൂരു പാത : കേന്ദ്രത്തെ സമീപിക്കും

Published : 13th May 2017 | Posted By: fsq

 

തിരുവനന്തപുരം: നിലമ്പൂര്‍-നഞ്ചങ്കോട് റെയില്‍പ്പാത പ്രായോഗികമല്ലാത്തതിനെ തുടര്‍ന്ന് ബദല്‍ സംവിധാനമായി തലശ്ശേരി-മൈസൂരു പാതയ്ക്ക് കേന്ദ്ര പരിസ്ഥിതി മന്ത്രാലയത്തിന്റെ അനുമതിക്കായി കേന്ദ്രത്തെ സമീപിക്കുമെന്ന് മന്ത്രി ജി സുധാകരന്‍ നിയമസഭയെ അറിയിച്ചു. രമേശ് ചെന്നിത്തലയുടെ സബ്മിഷന് മറുപടി പറയുകയായിരുന്നു അദ്ദേഹം. നിലമ്പൂര്‍- നഞ്ചങ്കോട് പാതയുടെ ഡിപിആര്‍ തയ്യാറാക്കുന്നതിന് 8 കോടി രൂപയാണ് വകയിരുത്തിയിരുന്നത്. ഡിഎംആര്‍സിയെ ഇതിന്റെ ചുമതലയും ഏല്‍പ്പിച്ചിരുന്നു. രണ്ടുകോടി രൂപയും ഡിഎംആര്‍സിക്ക് കൈമാറിയിട്ടുണ്ട്. എന്നാല്‍, ഈ പാത കടന്നുപോവുന്നത് കര്‍ണാടകയിലെ സംരക്ഷിത വനമേഖലയായ ബന്ദിപ്പൂരിലൂടെയും കടുവാ സങ്കേതത്തിലൂടെയുമാണ്. കേന്ദ്രനിയമപ്രകാരം സംരക്ഷിത വനമേഖലയിലോ, ദേശീയ ഉദ്യാനങ്ങളിലോ, വന്യജീവി പാര്‍ക്കുകളിലോ അനധികൃത നിര്‍മാണങ്ങള്‍ പാടില്ലെന്നാണ്. ഇതിന്റെ പശ്ചാത്തലത്തില്‍ കര്‍ണാടക ഈ പദ്ധതിക്ക് അനുമതി നിഷേധിച്ചു. തലശ്ശേരി- മൈസൂരു പാതയുടെ അലൈന്‍മെന്റ് സാധ്യമാവുമെങ്കില്‍ അതേക്കുറിച്ച് ആലോചിക്കാമെന്നു കര്‍ണാടക അറിയിച്ചിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss