|    Aug 22 Wed, 2018 1:38 am
FLASH NEWS

തലശ്ശേരിയില്‍ ബസ്സുകള്‍ക്ക് നേരെ ആക്രമണം

Published : 14th May 2018 | Posted By: kasim kzm

തലശ്ശേരി: വീട്ടുമുറ്റത്ത് നിര്‍ത്തിയിട്ട സ്വകാര്യ ബസ്സുകള്‍ക്കു നേരെ ആക്രമണം. തലശ്ശേരി-മമ്പറം റൂട്ടിലോടുന്ന കെഎല്‍ 58 എ9189 തീര്‍ത്ഥം, കെഎല്‍13 കെ 4281 ബസ്സുകള്‍ക്കു നേരെയാണ് ശനിയാഴ്ച അര്‍ധരാത്രി ആക്രമണമുണ്ടായത്. സംഭവത്തില്‍ പ്രതിഷേധിച്ച് തലശ്ശേരി-അഞ്ചരക്കണ്ടി റൂട്ടില്‍ ഇന്നലെ ബസ്സോട്ടം നിലച്ചു. മമ്പറം ജവാന്‍ സ്റ്റോറിന് സമീപത്തെ വീട്ടുമുറ്റത്ത് നിര്‍ത്തിയിട്ട രണ്ട് ബസ്സുകളുടെ ചില്ലുകള്‍ അടിച്ചുതകര്‍ക്കുകയായിരുന്നു. ബസ്സിന് നേരെയുണ്ടായ ആക്രമണത്തില്‍ തലശ്ശേരി പ്രൈവറ്റ് ബസ് ഓപറേറ്റേഴ്‌സ് അസോസിയേഷന്‍ പ്രതിഷേധിച്ചു. കുറ്റക്കാര്‍ക്കെതിരേ കര്‍ശന നടപടി വേണമെന്ന് അസോസിയേഷന്‍ പ്രസിഡന്റ് കെ വേലായുധനും ജനറല്‍ സെക്രട്ടറി കെ ഗംഗാധരനും ആവശ്യപ്പെട്ടു. സംഭവത്തില്‍ സിങ്കിള്‍ ബസ് ഓപറേറ്റേഴ്‌സ് അസോസിയേഷന്‍ പ്രസിഡന്റ് കൊട്ടയോടി വിശ്വനാഥനും ജനറല്‍ സെക്രട്ടറി ടി എം സുധാകരനും പ്രതിഷേധിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss