|    Jan 24 Tue, 2017 2:25 am

തലങ്ങും വിലങ്ങും ഓട്ടം; വിശ്രമമില്ലാതെ പോലിസുകാര്‍

Published : 4th November 2015 | Posted By: SMR

കോഴിക്കോട്: തദ്ദേശ തിരെഞ്ഞെടുപ്പിന് വിവിധ ജില്ലകളില്‍ നിന്ന് ഡ്യൂട്ടിക്കെത്തിച്ച പോലിസുകാര്‍ ഓടിത്തളരുന്നു. മതിയായ ധാരണയോ ക്രമീകരണമോ ഇല്ലാതെ പോലിസുകാരെ ഡ്യൂട്ടിക്ക് നിയോഗിച്ചതാണ് പ്രശ്‌നമായത്. ബറ്റാലിയനുകളില്‍ നിന്നും ക്യാംപുകളില്‍ നിന്നുമാണ് പോലിസുകാരെ ഡ്യൂട്ടിക്കായി വിവിധ ജില്ലകളില്‍ നിയോഗിച്ചത്. ഡ്യൂട്ടിക്കെത്തിച്ച സ്ഥലങ്ങളില്‍ ആവശ്യത്തിന് സൗകര്യമൊരുക്കിയില്ലെന്നും ഭക്ഷണസൗകര്യം ഒരുക്കിയില്ലെന്നും പരാതിയുണ്ട്. ഒന്നാംഘട്ട വോട്ടെടുപ്പ് തീരുന്ന ദിവസം തന്നെ രണ്ടാംഘട്ട ഡ്യൂട്ടിക്കായി മറ്റ് ജില്ലകളിലേക്ക് പോവാന്‍ നിര്‍ദേശിച്ചത് പോലിസുകാര്‍ക്ക് ഇരുട്ടടിയായി. ആവശ്യത്തിന് വിശ്രമം ലഭിക്കാതെ വലയുകയാണ് പോലിസുകാര്‍. തെക്ക് നിന്നുള്ള പോലിസുകാര്‍ക്കാണ് ദുരിതം കൂടുതല്‍. വോട്ടെണ്ണല്‍ നടക്കുന്ന ഏഴാം തീയതി വരെയെങ്കിലും മലബാറില്‍ തങ്ങേണ്ടി വരുന്നത് ഇവരുടെ ദുരിതം ഇരട്ടിയാക്കുമെന്ന് ഉറപ്പാണ്.

Share on FacebookShare on Google+Tweet about this on TwitterShare on LinkedIn
(Visited 57 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക