|    Nov 21 Wed, 2018 11:21 pm
FLASH NEWS
Home   >  Todays Paper  >  page 7  >  

തമിഴ്‌നാട് മന്ത്രിയുടെയും ഡിജിപിയുടെയും വസതികളില്‍ റെയ്ഡ്‌

Published : 6th September 2018 | Posted By: kasim kzm

ന്യൂഡല്‍ഹി: ഗുട്ക കുംഭകോണവുമായി ബന്ധപ്പെട്ട കേസില്‍ തമിഴ്‌നാട് ആരോഗ്യമന്ത്രി വി വിജയഭാസ്‌കര്‍, ഡിജിപി ടി കെ രാജേന്ദ്രന്‍ എന്നിവരുടെ വസതികളിലടക്കം 40 ഇടങ്ങളില്‍ സിബിഐ റെയ്ഡ് നടത്തി. മുന്‍ പോലിസ് കമ്മീഷണര്‍ എസ് ജോര്‍ജിന്റെ വസതിയിലും റെയ്ഡ് നടന്നു. കര്‍ണാടക, മുംബൈ, പുതുച്ചേരി എന്നീ സംസ്ഥാനങ്ങളിലായി അഞ്ചിടങ്ങളിലും തമിഴ്‌നാട്ടിലെ 35 സ്ഥലങ്ങളിലുമാണു റെയ്ഡ് നടന്നത്. ഒരു ഐആര്‍എസ് ഉദ്യോഗസ്ഥന്റെ വസതിയിലും റെയ്ഡ് നടന്നുവെന്ന് അധികൃതര്‍ പറഞ്ഞു. 250 കോടി രൂപയുടെ നികുതി വെട്ടിപ്പുമായി കഴിഞ്ഞ വര്‍ഷം ജൂലൈയില്‍ ആദായനികുതി ഉദ്യോഗസ്ഥര്‍ തമിഴ്‌നാട്ടിലെ പാന്‍മസാല, ഗുട്ക ഉല്‍പാദകന്റെ വീടും ഗോഡൗണും ഓഫിസും റെയ്ഡ് ചെയ്തതോടെയാണ് കുംഭകോണം പുറത്തുവന്നത്. ഗുട്ക ഉല്‍പാദകരില്‍ നിന്ന് പണം സ്വീകരിച്ചവരുടെ പേരടങ്ങിയ ഡയറി റെയ്ഡില്‍ പിടിച്ചെടുത്തിരുന്നു. 2013ല്‍ തമിഴ്‌നാട് സര്‍ക്കാര്‍ ഗുട്ക, പാന്‍മസാല ഉള്‍പ്പടെയുള്ള പുകയില ഉല്‍പന്നങ്ങള്‍ നിരോധിച്ചിരുന്നു. ഏതെങ്കിലും സംസ്ഥാനത്തെ ഡിജിപിയുടെ വസതി സിബിഐ റെയ്ഡ് ചെയ്യുന്നത് അപൂര്‍വമാണ്. അതേസമയം, മന്ത്രിയുടെയും ഡിജിപിയുടെയും വസതികളില്‍ റെയ്ഡ് നടന്ന സംഭവം തമിഴ്‌നാടിന് അപമാനകരമാണെന്നും ഇരുവരെയും പുറത്താക്കണമെന്നും ഡിഎംകെ അടക്കമുള്ള പ്രതിപക്ഷ കക്ഷികള്‍ ആവശ്യപ്പെട്ടു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss