|    Jan 19 Thu, 2017 3:48 am
FLASH NEWS

തമിഴ്‌നാട്ടില്‍ പൗരാണിക നാഗരികതയുടെ അവശിഷ്ടം

Published : 31st May 2016 | Posted By: SMR

മധുര: ഹാരപ്പന്‍, മോഹന്‍ജദാരോ സംസ്‌കാരങ്ങള്‍ക്ക് സമാനമായ സാംസ്‌കാരിക നാഗരികത തമിഴ്‌നാട്ടിലുമുണ്ടായിരുന്നതായി സൂചന. ഇത്തരം നഗരത്തിന്റെ സാധ്യതയിലേക്ക് വിരല്‍ചൂണ്ടുന്ന തെളിവുകള്‍ തമിഴ്‌നാട്ടിലെ ശിവഗംഗ ജില്ലയില്‍ നിന്നാണ് പുരാവസ്തു ഗവേഷകര്‍ കണ്ടെത്തിയത്. 2013-14 കാലത്ത് ആരംഭിച്ച ഗവേഷണ പദ്ധതിയുടെ ഭാഗമായാണ് ഇവിടെ ഖനനം നടക്കുന്നത്. ഗവേഷണം നടക്കുന്ന 80 ഏക്കര്‍ സ്ഥലത്തില്‍ 3.5 കിലോമീറ്റര്‍ ചുറ്റളവിലാണ് നാഗരിക സംസ്‌കാരത്തിന്റെ അവശിഷ്ടങ്ങള്‍ കണ്ടെത്തിയത്.
നിരവധി സൗകര്യങ്ങള്‍ നിലനിന്നിരുന്ന ഇവിടം നിരവധി വ്യാപാരങ്ങളുടെയും കേന്ദ്രമായിരുന്നുവെന്നും ഗവേഷകര്‍ പറഞ്ഞു. വൈഗാ തീരത്ത് നിരവധി സൗകര്യങ്ങളോടുകൂടി ജീവിച്ചിരുന്ന ഒരു നഗരം സ്ഥിതിചെയ്തിരുന്നുവെന്നതിന്റെ വ്യക്തമായ സൂചനകളാണിതെന്ന് പുരാവസ്തു വകുപ്പ് ഉദ്യോഗസ്ഥന്‍ കെ അമര്‍നാഥ് രാമകൃഷ്ണ പറഞ്ഞു. 2000 വര്‍ഷങ്ങള്‍ക്കു മുമ്പുള്ള ഭരണാധികാരികളുടെയും നാഗരികതയുടെയും വിവരങ്ങള്‍ സംഘകാല കൃതികളില്‍ രേഖപ്പെടുത്തിയിട്ടുണ്ട്. എന്നാല്‍, ഇതിലേക്ക് വെളിച്ചംവീശുന്ന തെളിവുകള്‍ ഇതുവരെ ലഭ്യമായിരുന്നില്ല. ഇപ്പോഴത്തെ കണ്ടെത്തലുകളിലൂടെ സംഘകൃതികളിലെ വിവരണങ്ങള്‍ക്ക് തെളിവുകള്‍ ലഭ്യമായതായും ഗവേഷകര്‍ പറഞ്ഞു. സപ്തംബര്‍ വരെ ഖനനം തുടരും.

Share on FacebookShare on Google+Tweet about this on TwitterShare on LinkedIn
(Visited 27 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക