|    Jan 17 Tue, 2017 10:18 am
FLASH NEWS

ഡ്രീംലൈനര്‍ വിമാനങ്ങള്‍ക്ക് സാങ്കേതികത്തകരാര്‍ തുടര്‍ക്കഥ

Published : 28th March 2016 | Posted By: RKN

ന്യൂഡല്‍ഹി: എയര്‍ ഇന്ത്യയുടെ ഡ്രീംലൈനര്‍ വിമാനങ്ങള്‍ സാങ്കേതികത്തകരാര്‍ മൂലം സര്‍വീസ് റദ്ദാക്കുന്നത് പതിവാകുന്നു. കഴിഞ്ഞ വെള്ളിയാഴ്ച സാങ്കേതികത്തകരാര്‍ കാരണം  ഒരു ഡ്രീംലൈനര്‍വിമാനം പാരിസില്‍ ഇറക്കേണ്ടിവന്നു. കഴിഞ്ഞയാഴ്ച കൊല്‍ക്കത്ത-ഡല്‍ഹി  ബോയിങ് 787-800 വിമാനവും ഇതേ കാരണത്താല്‍ റദ്ദാക്കി. അമേരിക്കന്‍ കമ്പനിയാണ് ഡ്രീംലൈനര്‍ നിര്‍മിക്കുന്നത്. ഏതാനും മാസങ്ങള്‍ക്കുള്ളില്‍ അമേരിക്കന്‍ കമ്പനിയില്‍ നിന്നും കൂടുതല്‍ വിമാനങ്ങള്‍ വാങ്ങാനിരിക്കെയാണ് ഇത്തരം വിമാനങ്ങള്‍ക്ക് സാങ്കേതിക തകരാറ് സംഭവിക്കുന്നത്. ഇതുമൂലം എയര്‍ ഇന്ത്യക്കുണ്ടായ നഷ്ടം കമ്പനിയില്‍ നിന്ന് ഈടാക്കണമെന്നും വിമാനങ്ങളുടെ തകരാറ് പരിഹരിക്കുന്നതുവരെ കൂടുതല്‍ വിമാനങ്ങള്‍ വാങ്ങുന്നത് മാറ്റിവയ്ക്കണമെന്നും എയര്‍ ഇന്ത്യയിലെ എന്‍ജിനീയര്‍മാരുടെ സംഘടന  ആവശ്യപ്പെട്ടു.21 ഡ്രീംലൈനര്‍ വിമാനങ്ങളാണ് എയര്‍ ഇന്ത്യക്കുള്ളത്. 2018 ആഗസ്‌തോടെ ആറു വിമാനങ്ങള്‍ക്കൂടി വാങ്ങാന്‍ പദ്ധതിയുമുണ്ട്. പാരിസ്-ഡല്‍ഹി വിമാനത്തിന്റെ തകരാറ് പരിഹരിക്കാന്‍ എയര്‍ ഇന്ത്യ എന്‍ജിനീയര്‍മാരുടെ സംഘത്തെ പാരീസിലേക്കയച്ചിട്ടുണ്ട്. ഡ്രീംലൈനര്‍ വിമാനങ്ങള്‍ക്ക് പതിവായി സംഭവിക്കുന്ന തകരാറ് എയര്‍ ഇന്ത്യക്ക് വരുമാനനഷ്ടം മാത്രമല്ല, പ്രതിച്ഛായയ്ക്കു തന്നെ ദോഷംവരുത്തുമെന്നാണ് വിലയിരുത്തല്‍.

Share on FacebookShare on Google+Tweet about this on TwitterShare on LinkedIn
(Visited 42 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക