|    Oct 19 Fri, 2018 4:13 am
FLASH NEWS
Home   >  Todays Paper  >  Page 4  >  

ഡ്രഗ്‌സ് കണ്‍ട്രോളര്‍ക്ക് നല്‍കിയ അധികാരം റദ്ദാക്കി

Published : 18th September 2018 | Posted By: kasim kzm

കൊച്ചി: ആശുപത്രികള്‍ക്കും മറ്റും അനുവദിക്കുന്ന അവശ്യ മയക്കുമരുന്നുകളുടെ വില്‍പനയ്ക്കും മറ്റും ലൈസന്‍സ് അനുവദിക്കാനുള്ള അധികാരം ഡ്രഗ്‌സ് കണ്‍ട്രോളര്‍ക്ക് നല്‍കിയ നടപടി ഹൈക്കോടതി റദ്ദാക്കി. മയക്കുമരുന്ന് നിരോധന നിയമത്തില്‍ ഈ വര്‍ഷം ഫെബ്രുവരി 22ന് കൊണ്ടുവന്ന ഭേദഗതിയിലൂടെ അധികാരം നല്‍കിയ നടപടിയാണ് റദ്ദാക്കിയത്. എന്‍ഡിപിഎസ് വസ്തുക്കളുമായി ബന്ധപ്പെട്ട അധികാരം ഡ്രഗ്‌സ് കണ്‍ട്രോളര്‍ക്ക് കൈമാറിയ നടപടി റദ്ദാക്കണമെന്ന് ആവശ്യപ്പെട്ട് കോട്ടയം സ്വദേശി എം എസ് അബ്ദുറഹീം നല്‍കിയ ഹരജിയിലാണ് ഉത്തരവ്.
ചികില്‍സയ്ക്ക് ഉപയോഗിക്കാന്‍ ആവശ്യമായ തോതില്‍ ആശുപത്രികള്‍ക്കും ഡോക്ടര്‍മാര്‍ക്കും നാര്‍ക്കോട്ടിക് ഡ്രഗ്‌സ് കൈവശം വയ്ക്കാന്‍ അനുമതി നല്‍കാനുള്ള അധികാരമാണ് നേരത്തേ ഡ്രഗ്‌സ് കണ്‍ട്രോളര്‍മാര്‍ക്ക് ഉണ്ടായിരുന്നത്. എന്നാല്‍, ഡീലര്‍ ലൈസന്‍സ് നല്‍കാനുള്ള അധികാരമുള്‍പ്പെടെ ഭേദഗതിയിലൂടെ നല്‍കുകയായിരുന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss