|    Oct 23 Mon, 2017 11:00 pm
FLASH NEWS
Home   >  Todays Paper  >  Page 5  >  

ഡോ. ഹാദിയ : ഇന്ന് വിവിധ സര്‍വകലാശാല വിദ്യാര്‍ഥികള്‍ സെക്രട്ടേറിയറ്റ് മാര്‍ച്ച് നടത്തും

Published : 3rd October 2017 | Posted By: fsq

തിരുവനന്തപുരം: ഇസ്‌ലാംമതം സ്വീകരിച്ചതിന്റെ പേരില്‍ ഡോ. ഹാദിയ നേരിടുന്ന പീഡനങ്ങള്‍ക്ക് അറുതിവരുത്തി ഭരണഘടനാ അവകാശങ്ങള്‍ സംരക്ഷിക്കണമെന്നാവശ്യപ്പെട്ടു രാജ്യത്തെ വിവിധ സര്‍വകലാശാലകളില്‍ നിന്നുള്ള വിദ്യാര്‍ഥികളും ആക്റ്റിവിസ്റ്റുകളും മനുഷ്യാവകാശ പ്രവര്‍ത്തകരും ഇന്നു സെക്രട്ടേറിയറ്റിലേക്ക് മാര്‍ച്ച് നടത്തും. ഹാദിയയെ വീട്ടുതടങ്കലില്‍ നിന്ന് എത്രയും വേഗം മോചിപ്പിക്കുക, വിവാഹം അസാധുവാക്കിയ നടപടികള്‍ പിന്‍വലിച്ചു സ്വതന്ത്രമായി തന്റെ ജീവിതപങ്കാളിയെ കണ്ടെത്താനുള്ള അവകാശം നല്‍കുക, ഷെഫിന്‍ ജഹാനെതിരായ വ്യാജ കേസുകളും ആരോപണങ്ങളും പിന്‍വലിക്കുക, സംസ്ഥാന സര്‍ക്കാര്‍ വിഷയത്തില്‍ അടിയന്തരമായി ഇടപെടുക എന്നീ ആവശ്യങ്ങ ള്‍ ഉന്നയിച്ചാണ് മാര്‍ച്ച് സംഘടിപ്പിച്ചിട്ടുള്ളതെന്നു സംഘാടകര്‍ അറിയിച്ചു. രാവിലെ 11ന് പാളയം രക്തസാക്ഷി മണ്ഡപത്തില്‍ നിന്നാരംഭിക്കുന്ന മാര്‍ച്ചില്‍ ദലിത് ബഹുജന്‍ പ്രവര്‍ത്തകയും ജെഎന്‍യു വിദ്യാര്‍ഥി നേതാവുമായ ഭൂപാലി മാഗര്‍ പങ്കെടുക്കും. കഴിഞ്ഞ ജെഎന്‍യു വിദ്യാര്‍ഥി തിരഞ്ഞെടുപ്പില്‍ വന്‍ ഭൂരിപക്ഷത്തിനു ബാപ്‌സയെ പ്രതിനിധീകരിച്ചു വനിതാ അവകാശ സെല്ലിലേക്കു വിജയിച്ച വ്യക്തിയാണ് ഭൂപാലി. ദലിത് ചിന്തകനും എഴുത്തുകാരനുമായ കെ കെ ബാബുരാജ്, എഴുത്തുകാരി വിനീത വിജയന്‍, സംഗീതജ്ഞനും എഴുത്തുകാരനുമായ എ എസ് അജിത്കുമാര്‍, ആക്റ്റിവിസ്റ്റ് മൃദുല ഭവാനി സംബന്ധിക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക