|    Jun 18 Mon, 2018 5:37 am
FLASH NEWS
Home   >  Todays Paper  >  Page 4  >  

ഡോ. ടോണി ഡാനിയല്‍ അന്തരിച്ചു

Published : 26th April 2018 | Posted By: kasim kzm

കൊച്ചി: അഖിലേന്ത്യാ അത്‌ലറ്റിക് ഫെഡറേഷന്‍ ജോയിന്റ് സെക്രട്ടറിയും ടെക്‌നിക്കല്‍ കമ്മിറ്റി ചെയര്‍മാനുമായ എറണാകുളം അയ്യപ്പന്‍കാവ് പുളിക്കത്തറ വീട്ടില്‍ ഡോ. ടോണി ഡാനിയല്‍ (64) അന്തരിച്ചു. ഇന്നലെ പ്രഭാതസവാരിക്കു ശേഷം വീട്ടിലെത്തിയപ്പോള്‍ ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.
സംസ്‌കാരം പിന്നീട്. കേരള ഒളിംപിക് അസോസിയേഷന്‍ കണ്‍വീനറായിരുന്ന ടോണി കേരള സ്‌പോര്‍ട്‌സ് കൗണ്‍സില്‍ സ്റ്റാന്‍ഡിങ് കമ്മിറ്റി ചെയര്‍മാനായും പ്രവര്‍ത്തിച്ചിട്ടുണ്ട്. ഏഷ്യാഡ് ഉള്‍പ്പെടെ ഇന്ത്യക്ക് അകത്തും പുറത്തും നടന്ന സുപ്രധാന മീറ്റുകളുടെ മുഖ്യ സംഘാടകനായി പ്രവര്‍ത്തിച്ചിട്ടുള്ള അദ്ദേഹം കോമണ്‍വെല്‍ത്ത് ഗെയിംസുകളുടെ  സംഘാടകനായും പ്രവര്‍ത്തിച്ചു.
കേരളത്തിലെ കായികതാരങ്ങളെ വളര്‍ത്തിയെടുക്കുന്നതില്‍ നിര്‍ണായക പങ്കുവഹിച്ചു. വിദ്യാഭ്യാസ കാലം മുതല്‍ കായികതാരമായിരുന്ന ടോണി ഡാനിയല്‍ നിരവധി ദേശീയ മീറ്റുകളില്‍ കേരളത്തെ പ്രതിനിധീകരിച്ചു. ഓട്ടമായിരുന്നു മല്‍സരയിനം. തുടര്‍ന്നു ഫിസിക്കല്‍ എജ്യൂക്കേഷനില്‍ ഡോക്ടറേറ്റ് എടുത്തു. ആലുവ സെന്റ് സേവ്യേഴ്‌സ് കോളജിലെ കായികവിഭാഗം തലവനായാണു വിരമിച്ചത്. ഭാര്യ: ലിസി (റിട്ട. അധ്യാപിക). മകള്‍: അമ്മു (അമേരിക്ക). മരുമകന്‍: ഡീന്‍ (അമേരിക്ക).

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss