|    Sep 20 Thu, 2018 11:46 pm
FLASH NEWS

ഡോ. അനൂപ് കുമാറിനും ഡോ. സി ജയകൃഷ്ണനും നിയമസഭയുടെ അനുമോദനം

Published : 7th June 2018 | Posted By: kasim kzm

കോഴിക്കോട്: നിപാ പനി തിരിച്ചറിയുന്നതിലും നിയന്ത്രിക്കുന്നതിലും മുഖ്യപങ്ക് വഹിച്ച ഡോ. എ എസ് അനൂപ് കുമാറിനും ഡോ. സി ജയകൃഷ്ണനും നിയമസഭയില്‍ ആരോഗ്യ മന്ത്രി കെ കെ ശൈലജയുടെ അനുമോദനം.
കോഴിക്കോട് ബേബി മെമ്മോറിയല്‍ ആശുപത്രി ക്രിട്ടിക്കല്‍ കെയര്‍ വിഭാഗം മേധാവിയാണ് ഡോ. എ എസ് അനൂപ് കുമാര്‍. ന്യൂറോളജി വിഭാഗം ഡോക്ടറാണ് സി ജയകൃഷ്ണന്‍. പ്രതിപക്ഷം അവതരിപ്പിച്ച അടയന്തര പ്രമേയത്തിന്മേലുള്ള ചര്‍ച്ചയില്‍ മറുപടി പറയവെ ആരോഗ്യമന്ത്രി കെ കെ ശൈലജയാണ് ഇരുവരെയും അനുമോദിച്ചത്. വൈറസ് ബാധിച്ച രണ്ടാമത്തെയാളില്‍ തന്നെ ശരിയായ രോഗം തിരിച്ചറിഞ്ഞതായി മന്ത്രി പറഞ്ഞു. ഇരുവരെയും ആദരിക്കുമെന്ന് ആരോഗ്യമന്ത്രി നേരത്തെ പറഞ്ഞിരുന്നു.
ചങ്ങരോത്ത് സ്വദേശി മൂസയുടെ മകന്‍ മുഹമ്മദ് സ്വാലിഹിന്റെ രോഗലക്ഷണങ്ങള്‍ താന്‍ രണ്ടു ദിവസം മുമ്പ് വായിച്ച മെഡിക്കല്‍ പുസ്തകത്തില്‍ പരാമര്‍ശിച്ചതിന് സമാനമായതെന്ന് ഡോക്ടര്‍ ജയകൃഷണന് തോന്നിയതാണ് നിര്‍ണായകമായത്. തുടര്‍ന്ന് ഇരുവരും മണിപ്പാല്‍ കസ്തൂര്‍ബ മെഡിക്കല്‍ കോളജ് വൈറല്‍ സ്റ്റഡീസ് വിഭാഗം മേധാവി ഡോ. ജി അരുണ്‍കുമാറുമായി ബന്ധപ്പെടുകയും രോഗം സ്ഥിരീകരിക്കുകയുമായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss