|    Sep 21 Fri, 2018 11:08 pm
FLASH NEWS

ഡോക്ടറെ തട്ടിക്കൊണ്ടുപോകാന്‍ ശ്രമിച്ച കേസില്‍ അഞ്ചു പേര്‍ക്കു മുന്‍കൂര്‍ ജാമ്യം

Published : 14th May 2017 | Posted By: fsq

 

വടകര: ആശ ആശുപത്രിയിലെ ഡ്യൂട്ടി ഡോക്ടറെ തട്ടിക്കൊണ്ടുപോകാന്‍ ശ്രമിച്ച കേസില്‍ പ്രതി ചേര്‍ക്കപ്പെട്ട അഞ്ചു പേര്‍ക്കു മുന്‍കൂര്‍ ജാമ്യം.  മടപ്പള്ളിയിലെ കെ എം സുജിത് (21), പി.സുരേഷ് ബാബു (33), മണക്കുനിയില്‍ രവീന്ദ്രന്‍ (58), താഴെകൊയിലോത്ത് അഭിലാഷ് (32), കുന്നോത്ത് വിനീഷ് (29)  എന്നിവര്‍ക്കാണ് ജില്ലാ സെഷന്‍സ് കോടതി ജാമ്യം അനുവദിച്ചത്. രണ്ടു പേരെ പൊലീസ് അറസ്റ്റ് ചെയ്തിരുന്നു. ഇവര്‍ പിന്നീട് ജാമ്യത്തിലിറങ്ങി. ആശുപത്രി അധികൃതരും ഡോക്ടറുമാണ് ഇവര്‍ക്കെതിരെ കേസ് നല്‍കിയത്. കേസ് കെട്ടിച്ചമച്ചതാണെന്ന പ്രതിഭാഗം വാദം കണക്കിലെടുത്താണ് കോടതി അഞ്ചു പ്രതികള്‍ക്കു മുന്‍കൂര്‍ ജാമ്യം അനുവദിച്ചത്. ഏപ്രില്‍ 23 നു രാത്രി നടന്ന സംഭവം ഏറെ വിവാദമായിരുന്നു. ഐഎംഎ നേതൃത്വത്തില്‍ ജില്ലയില്‍ പണിമുടക്ക് നടത്തി. സെക്രട്ടറിയേറ്റ് നടയില്‍ ധര്‍ണ നടത്താനും ഐഎംഎ നിശ്ചയിച്ചിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss