|    Jun 23 Fri, 2017 12:09 am
FLASH NEWS
Home   >  Todays Paper  >  Page 4  >  

ഡേ കെയറുകളുടെ പ്രവര്‍ത്തനം നിരീക്ഷിക്കും: മന്ത്രി

Published : 19th June 2017 | Posted By: fsq

 

കൊച്ചി: സംസ്ഥാനത്തെ ഡേകെയറുകളുടെ പ്രവര്‍ത്തനം പരിശോധിക്കാന്‍ സാമൂഹിക നീതി ഡയറക്ടര്‍ അനുപമ ഐഎഎസിനെ നിയോഗിച്ചതായി മന്ത്രി കെ കെ ശൈലജ അറിയിച്ചു. സാമൂഹികക്ഷേമ വകുപ്പിന്റെ ജില്ലാതല ഓഫിസുകള്‍ കേന്ദ്രീകരിച്ച് ഡേകെയറുകളെക്കുറിച്ച് അന്വേഷണം നടന്നുവരികയാണ്. അഞ്ചുമാസത്തിനകം സംസ്ഥാനത്തെ മുഴുവന്‍ ഡേകെയറുകളെക്കുറിച്ചുമുള്ള റിപോര്‍ട്ട് ശേഖരിക്കും. ഇതില്‍ നിലവാരമില്ലെന്നു തെളിഞ്ഞാല്‍ അതത് ഡേകെയറുകള്‍ അടച്ചുപൂട്ടുവാന്‍ നിര്‍ദേശം നല്‍കുമെന്നും മന്ത്രി അറിയിച്ചു. കഴിഞ്ഞമാസം കൊച്ചിയിലെ ഡേകെയറിന്റെ നടത്തിപ്പുകാരി കുട്ടിയെ മര്‍ദിച്ചതുമായി ബന്ധപ്പെട്ടുണ്ടായ സംഭവവികാസങ്ങള്‍ക്കു പിന്നാലെയാണു സര്‍ക്കാര്‍ അന്വേഷണം പ്രഖ്യാപിച്ചത്. സംസ്ഥാനത്ത് സ്ഥിതിചെയ്യുന്ന ഡേകെയറുകളെ കുറിച്ച് പൂര്‍ണമായ വിവരം ശേഖരിക്കുകയാണു സാമൂഹികക്ഷേമവകുപ്പിന്റെ ലക്ഷ്യമെന്നും മന്ത്രി കെ കെ ശൈലജ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക