|    Oct 23 Mon, 2017 11:28 am
FLASH NEWS

ഡെങ്കിപ്പനി : പാക്കാനത്തും മുട്ടപ്പള്ളിയിലും ഇന്നു മുതല്‍ ഫോഗിങ് തുടങ്ങും

Published : 18th May 2017 | Posted By: fsq

 

എരുമേലി: എരുമേലിയില്‍ മൂന്നു പേര്‍ക്ക് ഡെങ്കിപ്പനിയും ഒരാള്‍ക്ക് മലേറിയയും പിടിപെട്ടതിനെ തുടര്‍ന്ന് പ്രതിരോധ പ്രവര്‍ത്തനങ്ങള്‍ ആരോഗ്യ വകുപ്പ് ഊര്‍ജിതമാക്കി. മുട്ടപ്പള്ളിയില്‍ ഒരാള്‍ക്കും പാക്കാനത്ത് രണ്ടു പേര്‍ക്കുമാണ് ഡെങ്കിപ്പനി പിടിപെട്ടത്. മലേറിയ പിടിപെട്ടത് ഇതര സംസ്ഥാന തൊഴിലാളി കുടുംബത്തിലെ കുട്ടിക്കാണ്. പാക്കാനത്തും മുട്ടപ്പള്ളിയിലും ഇന്നു മുതല്‍ ഫോഗിങ്, സ്‌പ്രേയിങ്, ഉറവിട നശീകരണം എന്നിവ ആരംഭിക്കുമെന്ന് ബ്ലോക്ക് ഹെല്‍ത്ത് സൂപ്പര്‍വൈസര്‍ എം വി ജോയി അറിയിച്ചു. കഴിഞ്ഞ ദിവസം പാക്കാനം പ്രദേശത്ത് ആരോഗ്യ വകുപ്പ് ജീവനക്കാരുടെ ടീം സന്ദര്‍ശനം നടത്തിയിരുന്നു. മേഖലയിലെ റബര്‍ തോട്ടങ്ങളില്‍ കൊതുകു നശീകരണം ഉറപ്പാക്കാന്‍ തോട്ടം ഉടമകള്‍ക്ക് നോട്ടീസ് നല്‍കിയിട്ടുണ്ട്. തോട്ടങ്ങളില്‍ റബര്‍ ചിരട്ടകള്‍ കമഴ്ത്തി സൂക്ഷിക്കണമെന്നു നിര്‍ദേശം നല്‍കി. പാക്കാനത്ത് ഡെങ്കിപ്പനി ബാധിച്ചവര്‍ ഇപ്പോള്‍ രോഗം ഭേദമായനിലയിലാണെന്ന് ആരോഗ്യ വകുപ്പ് അധികൃതര്‍ പറയുന്നു. മലേറിയ ബാധിച്ച കുട്ടിയും രോഗം ഭേദമായി വീട്ടിലാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക