|    Sep 24 Mon, 2018 4:47 pm
FLASH NEWS

ഡിവൈഎസ്പി ഓഫിസിലേക്ക് പ്രതിഷേധ മാര്‍ച്ച്

Published : 24th April 2018 | Posted By: kasim kzm

താമരശ്ശേരി: സിപിഎമ്മും പോലിസും നടത്തുന്ന അതിക്രമങ്ങളില്‍ പ്രതിഷേധിച്ചും ആഭ്യന്തര മന്ത്രി പിണറായി രാജിവെക്കണമെന്ന് ആവശ്യപ്പെട്ടും ഡിസിസി യുടെആഭിമുഖ്യത്തില്‍ താമരശ്ശേരി ഡിവൈഎസ്പി ഓഫീസിലേക്ക് മാര്‍ച്ച് നടത്തി. മാര്‍ച്ച് മിനി സിവില്‍ സ്റ്റേഷനു സമീപം പോലിസ് തടഞ്ഞു. നൂറോളം പ്രവര്‍ത്തകര്‍ പങ്കെടുത്ത മാര്‍ച്ചില്‍ സിപിഎമ്മുകാരുടെ അക്രമത്തിനിരയായ കോടഞ്ചേരി ജ്യോത്സ്‌നയും കുടുംബവും പങ്കെടുത്തു. മുന്‍ കെപിസിസി പ്രസിഡന്റ് വി എം സുധീരന്‍ ഉദ്ഘാടനം ചെയ്തു.
സിപിഎമ്മിന്റെ വാക്ക് കേട്ട് പ്രവര്‍ത്തിക്കുന്ന പോലിസ് നിയമത്തിനു മുന്നില്‍ സമാധാനം പറയേണ്ടിവരുമെന്നും കോടഞ്ചേരിയില്‍ നടന്ന അതിക്രമങ്ങളില്‍ പോലിസ് കാണിക്കുന്ന നിസ്സംഗതക്കെതിരെയും കുടുംബത്തിനു വേണ്ടി ഡിസിസി നിയമ സഹായം ചെയ്യുമെന്നും സുധീരന്‍ പറഞ്ഞു. ഡിസിസി പ്രസിഡന്റ് ടി സിദ്ധീഖ് അധ്യക്ഷത വഹിച്ചു. കെപിസിസി സെക്രട്ടറി അഡ്വ. കെ പ്രവീണ്‍ കുമാര്‍, മുന്‍ ഡിസിസി പ്രസിഡണ്ട് കെ സി അബു, കെപിസിസി അംഗം അരവിന്ദന്‍, പിപി കുഞ്ഞായന്‍ സംസാരിച്ചു.
മാര്‍ച്ചിനു ബ്ലോക്ക് കോണ്‍ഗ്രസ് നേതാക്കളായ പി കെ സുലൈമാന്‍, എം ടി അഷ്‌റഫ്,പി സി മാത്യു, കെഎസ്‌യു ജില്ലാ സെക്രട്ടറി ജാസില്‍ പുതുപ്പാടി, കെ എം പൗലോസ് നേതൃത്വം നല്‍കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss