|    Aug 16 Thu, 2018 3:27 pm
Home   >  Todays Paper  >  Page 5  >  

‘ഡിഎംആര്‍സിയെ തഴഞ്ഞത് തലശ്ശേരി- മൈസൂര്‍ റെയില്‍പ്പാത ഏറ്റെടുക്കാത്തതിനാല്‍’

Published : 9th March 2018 | Posted By: kasim kzm

കൊച്ചി/തിരുവനന്തപുരം: സര്‍ക്കാരിന് ഡിഎംആര്‍സിയോട് താല്‍പര്യമില്ലാതായത് തലശ്ശേരി-മൈസൂര്‍ റെയില്‍പ്പാത കേരളത്തിനു പ്രയോജനം ചെയ്യില്ലെന്ന് പറഞ്ഞതിനാലെന്ന്് ഇ ശ്രീധരന്‍ വാര്‍ത്ത സമ്മേളനത്തില്‍ പറഞ്ഞു.
തലശ്ശേരി-മൈസൂര്‍ റെയില്‍പ്പാത നിര്‍മിക്കാന്‍ സര്‍ക്കാരിന് താല്‍പര്യമുണ്ടായിരുന്നു. ഇതിന്റെ നിര്‍മാണം ഡിഎംആര്‍സി ഏറ്റെടുക്കണമെന്ന്് ആവശ്യപ്പെടുകയും പദ്ധതി രേഖ തയ്യാറാക്കാനും ആവശ്യപ്പെടുകയും ചെയ്തു. എന്നാല്‍ തലേശ്ശേരി-മൈസൂര്‍ റെയില്‍പ്പാത കൊണ്ട് കേരളത്തിന് യാതൊരു പ്രയോജനവുമില്ലെന്ന് താന്‍ സര്‍ക്കാരിനെ അറിയിച്ചു. ഇത് സംബന്ധിച്ച് നടത്തിയ പഠനത്തില്‍ കേരളത്തിലെ മൂന്നില്‍ രണ്ടു ഭാഗത്തിനും പദ്ധതി കൊണ്ടു പ്രയോജനം ഉണ്ടാവില്ലെന്ന് വ്യക്തമായി. അതു കൊണ്ടുതന്നെ കേന്ദ്രത്തില്‍ നിന്ന് ഇതിന് അനുമതി ലഭിക്കില്ല. ഈ സാഹചര്യത്തില്‍ പദ്ധതിയുമായി മുന്നോട്ടു പോവുന്നതില്‍ അര്‍ഥമില്ലെന്നും പറഞ്ഞു. ഇതോടെയാണ് സര്‍ക്കാരിന് ഡിഎംആര്‍സിയോട് താല്‍പര്യമില്ലാതായതെന്നാണ് തനിക്ക് തോന്നുന്നതെന്നും ഇ ശ്രീധരന്‍ പറഞ്ഞു.
അതേസമയം, രാജ്യം ആദരിക്കുന്ന മെട്രോ ശില്‍പ്പിയായ ഇ. ശ്രീധരനെ പോലും അപമാനിച്ച് തിരുവനന്തപുരം, കോഴിക്കോട് ലൈറ്റ് മെട്രോ പദ്ധതിയില്‍ നിന്നു ഡിഎംആര്‍സിയെ ഒഴിവാക്കുന്നത് അഴിമതി നടത്താന്‍ വേണ്ടിയാണെന്ന് പ്രതിപക്ഷ നേതാവ്  രമേശ് ചെന്നിത്തല . ഈ അവിവേകത്തിന് ഇടതു മുന്നണി സര്‍ക്കാര്‍ കനത്ത വില നല്‍കേണ്ടിവരും. കേരളജനത പിണറായി സര്‍ക്കാരിന് ഒരിക്കലും മാപ്പു നല്‍കില്ല. കൊച്ചി മെട്രോയുടെ നിര്‍മാണത്തില്‍ ഇ ശ്രീധരനെയും ഡിഎംആര്‍ സിയെയും ഒഴിവാക്കുന്നവെന്നു പറഞ്ഞ് മനുഷ്യച്ചങ്ങല തീര്‍ത്തവരാണ് ഇന്ന്  ലൈറ്റ് മെട്രോയില്‍ നിന്ന് ശ്രീധരനെ ഒഴിവാക്കുന്നതെന്നും ചെന്നിത്തല പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss