|    Mar 27 Mon, 2017 2:12 am
FLASH NEWS

ഡാവിഞ്ചിയുടെ ജീവിച്ചിരിക്കുന്ന ബന്ധുക്കളെ കണ്ടെത്തി

Published : 16th April 2016 | Posted By: SMR

റോം: ലിയനാഡോ ഡാവിഞ്ചിയുടെ ജീവിച്ചിരിക്കുന്ന ബന്ധുക്കളെ കണ്ടെത്തിയതായി ഇറ്റാലിയന്‍ ഗവേഷകര്‍. ചരിത്ര ഗവേഷകരായ അലെസാന്ദ്രോ വെസ്സോസി, അങ്‌നേസ് സബാതോ എന്നിവരാണ് 15ാം നൂറ്റാണ്ടില്‍ ജീവിച്ചിരുന്ന ചിത്രകാരനും എന്‍ജിനീയറും ഗണിതശാസ്ത്രജ്ഞനുമായ ഡാവിഞ്ചിയുടെ പരമ്പരയില്‍പെട്ടവരെ കണ്ടെത്തിയതായി ഫ്‌ലോറന്‍സില്‍ വാര്‍ത്താസമ്മേളനത്തില്‍ അറിയിച്ചത്. 1973ല്‍ ആരംഭിച്ച ഗവേഷണത്തിന്റെ ഭാഗമായി ഡാവിഞ്ചിയോട് പരോക്ഷമായി ബന്ധമുള്ള 35 പേരെ കണ്ടെത്താനായി.
ഇറ്റലി, സ്‌പെയിന്‍, ഫ്രാന്‍സ് എന്നീ രാജ്യങ്ങളില്‍ നിന്നുള്ള രേഖകള്‍ പരിശോധിച്ചതില്‍നിന്നാണ് ഇവരെക്കുറിച്ചുള്ള വിവരങ്ങള്‍ ലഭ്യമായത്. 1519ല്‍ മരിച്ച ഡാവിഞ്ചിയുടെ ഭൗതികാവശിഷ്ടങ്ങള്‍ 16ാം നൂറ്റാണ്ടിലെ മതപരമായ സംഘര്‍ഷങ്ങള്‍ക്കിടയില്‍ നഷ്ടമായിരുന്നു. ഇതിനാല്‍ ബന്ധുക്കളെ കണ്ടെത്തുന്നതിനായി ഡിഎന്‍എ പരിശോധനയെ ആശ്രയിക്കാന്‍ കഴിയില്ലെന്ന് ഗവേഷകര്‍ അറിയിച്ചു. പള്ളികളില്‍ നിന്നുള്ള രേഖകള്‍, ഭൂമിയുമായി ബന്ധപ്പെട്ട പ്രമാണങ്ങള്‍ എന്നിവ അന്വേഷണത്തില്‍ പരിശോധിച്ചിരുന്നു.
കുട്ടികളില്ലാതിരുന്ന ഡാവിഞ്ചിയുടെ സഹോദരങ്ങളുടെ സന്തതി പരമ്പരയില്‍പെട്ടവരെക്കുറിച്ചുള്ള വിവരങ്ങളാണ് അന്വേഷണത്തില്‍ കണ്ടെത്തിയത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക