|    May 29 Mon, 2017 11:42 am
FLASH NEWS

ഡല്‍ഹിയില്‍ ബാലികയെ ബലാല്‍സംഗം ചെയ്ത് വഴിയില്‍ തള്ളി

Published : 26th May 2016 | Posted By: SMR

ന്യൂഡല്‍ഹി: തെക്കുകിഴക്കന്‍ ഡല്‍ഹിയില്‍ 13കാരിയെ ബലാല്‍സംഗം ചെയ്ത് റെയില്‍വേ ട്രാക്കിനടുത്ത് ഉപേക്ഷിച്ചു. പുള്‍ പ്രഹ്ലാദ്പുരിലാണു സംഭവം. അനാഥ ബാലികയാണ് പീഡനത്തിനിരയായത്. എയിംസില്‍ പ്രവേശിപ്പിച്ച ബാലികയുടെ നില ഗുരുതരമാണ്.
അമ്മായിയുടെ വീട്ടില്‍ താമസിച്ചുവരികയായിരുന്ന കുട്ടിയെ മെയ് 17നു കാണാതായിരുന്നു. മെയ് 18നു പുലര്‍ച്ചെ കുട്ടിയെ അബോധാവസ്ഥയില്‍ റെയില്‍വേ ട്രാക്കിനടുത്ത് കണ്ടെത്തിയത് നാട്ടുകാരാണ്. ഡല്‍ഹി വനിതാ കമ്മീഷന്‍ അധ്യക്ഷ സ്വാതി മലിവാള്‍ കുട്ടിയെ എയിംസില്‍ സന്ദര്‍ശിച്ചു. ബാലിക കൂട്ടബലാല്‍സംഗത്തിനിരയായതായി സംശയമുണ്ടെന്ന് അവര്‍ പറഞ്ഞു. കുട്ടിയെ ശസ്ത്രക്രിയക്കു വിധേയമാക്കിയെന്നും മലിവാള്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day