|    Jun 22 Fri, 2018 7:05 am
FLASH NEWS
Home   >  Sports  >  Cricket  >  

ഡല്‍ഹിക്ക് ആവേശ ജയം; പ്ലേ ഓഫ് കാണാതെ മുംബൈ പുറത്ത്

Published : 20th May 2018 | Posted By: vishnu vis


ന്യൂഡല്‍ഹി: ഡല്‍ഹി ഡെയര്‍ഡെവിള്‍സിന്റെ പോരാട്ടവീര്യത്തിന് മുന്നില്‍ തലകുനിച്ച് മുംബൈ ഇന്ത്യന്‍സ് പ്ലേ ഓഫ് കാണാതെ പുറത്ത്. 12 റണ്‍സിനാണ് ഡല്‍ഹി ഡെയര്‍ഡെവിള്‍സ് മുംബൈയെ കീഴടക്കിയത്. ആദ്യം ബാറ്റ് ചെയ്ത ഡല്‍ഹി 20 ഓവറില്‍ നാല് വിക്കറ്റ് നഷ്ടത്തില്‍ 174 റണ്‍സ് അടിച്ചെടുത്തപ്പോള്‍ മറുപടിക്കിറങ്ങിയ മുംബൈയുടെ പോരാട്ടം 19.3 ഓവറില്‍ 163 റണ്‍സില്‍ അവസാനിക്കുകയായിരുന്നു. അവസാന ഓവറുകളില്‍ ബെന്‍ കട്ടിങ് ( 20 പന്തില്‍ 37) പൊരുതി നോക്കിയെങ്കിലും മുംബൈയെ വിജയത്തിലേക്കെത്തിക്കാനായില്ല. മൂന്ന് വിക്കറ്റ് വീതം വീഴ്ത്തിയ ഹര്‍ഷല്‍ പട്ടേലിന്റെയും അമിത് മിശ്രയുടെയും സന്ദീപ് ലമ്മിച്ചന്നിന്റെയും ബൗളിങാണ് മുംബൈയെ തകര്‍ത്തത്.
നേരത്തെ ടോസിന്റെ ആനുകൂല്യത്തില്‍ ബാറ്റിങിനിറങ്ങിയ ഡല്‍ഹിക്ക് കരുത്തായത് റിഷഭ് പാന്തിന്റെ ( 44 പന്തില്‍ 64) അര്‍ധ സെഞ്ച്വറിയാണ്. അവസാന ഓവറുകളില്‍ പൊരുതിക്കളിച്ച വിജയ് ശങ്കറിന്റെ ( 30 പന്തില്‍ 43) ബാറ്റിങും ഡല്‍ഹിക്ക് കരുത്തായി.
വിജയലക്ഷ്യത്തിലേക്ക് ബാറ്റേന്തിയ മുംബൈക്ക് കൃത്യമായ ഇടവേളകളില്‍ വിക്കറ്റ് നഷ്ടമായതാണ് തിരിച്ചടിയായത്. എവിന്‍ ലെവിസ് ( 31 പന്തില്‍ 48) മുംബൈ നിരയില്‍ ടോപ് സ്‌കോററായി. രോഹിത് ശര്‍മ (11 പന്തില്‍ 13) മധ്യ നിരയില്‍ വീണ്ടും പരാജയപ്പെട്ടതാണ് മുംബൈക്ക് തിരിച്ചടിയായത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss