|    Apr 25 Wed, 2018 8:36 am
FLASH NEWS
Home   >  Todays Paper  >  Page 1  >  

ട്രെയിനില്‍ നിന്ന് വീണു പരിക്കേറ്റ സിവില്‍ പോലിസ് ഓഫിസര്‍ മരിച്ചു

Published : 15th November 2015 | Posted By: SMR

കാസര്‍കോട്: ഓടുന്ന ട്രെയിനിലേക്ക് ചാടിക്കയറാന്‍ ശ്രമിക്കുകയായിരുന്ന യാത്രക്കാരെ രക്ഷിക്കാനുള്ള ശ്രമത്തിനിടെ വീണു പരിക്കേറ്റ് ചികില്‍സയിലായിരുന്ന സീനിയര്‍ സിവില്‍ പോലിസ് ഓഫിസര്‍ മരിച്ചു. കാസര്‍കോട് റെയില്‍വേ പോലിസ് സ്‌റ്റേഷനിലെ പയ്യന്നൂര്‍ മാമ്പലം എം പി രാജീവനാ (48)ണ് മരിച്ചത്. ഇന്നലെ വൈകീട്ട് 5 മണിയോടെ മംഗളൂരു ഫാദര്‍ മുള്ളേഴ്‌സ് ആശുപത്രിയിലായിരുന്നു അന്ത്യം. കഴിഞ്ഞ 10ന് വൈകീട്ട് മാവേലി എക്‌സ്പ്രസില്‍ നിന്നു വീണ് പരിക്കേറ്റ് ചികില്‍സയിലായിരുന്നു. മൃതദേഹം ഇന്നു രാവിലെ പോസ്റ്റ്‌മോര്‍ട്ടത്തിനു ശേഷം കാസര്‍കോട്ട് കൊണ്ടുവന്ന് റെയില്‍വേ പോലിസ് സ്‌റ്റേഷനില്‍ പൊതുദര്‍ശനത്തിനു വയ്ക്കും. പിതാവ്: നാരായണന്‍. മാതാവ്: ലക്ഷ്മി. ഭാര്യ: പ്രീത. മക്കള്‍: അതുല്‍രാജ്, അനില്‍രാജ്. സഹോദരന്‍: രാജേഷ് (ബിഎസ്എഫ്).

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss