|    Jun 19 Tue, 2018 4:38 am
Home   >  Todays Paper  >  page 9  >  

ട്രംപ് സൗദിയും ഇസ്രായേലും വത്തിക്കാനും സന്ദര്‍ശിക്കുന്നു

Published : 6th May 2017 | Posted By: fsq

 

വാഷിങ്ടണ്‍: യുഎസ് പ്രസിഡന്റ് എന്ന നിലയിലുള്ള തന്റെ പ്രഥമ വിദേശ സന്ദര്‍ശനത്തില്‍ ഇസ്‌ലാമിക, ജൂത, ക്രൈസ്തവ ആത്മീയ കേന്ദ്രങ്ങളായ സൗദി അറേബ്യയും ഇസ്രായേലും വത്തിക്കാനും ഉള്‍പ്പെടുത്തുമെന്ന് ഡോണള്‍ഡ് ട്രംപ്. ഈ മാസാവസാനം നാറ്റോ, ജി 7 ഉച്ചകോടികള്‍ക്കായി ബ്രസ്സല്‍സും സിസിലിയും സന്ദര്‍ശിക്കുമെന്ന് നേരത്തേ പ്രഖ്യാപിച്ചിരുന്നു. ഈ മാസം 23നു സൗദി സന്ദര്‍ശിക്കും. ഇറാനെതിരെ ശക്തമായ നീക്കങ്ങളുമായിട്ടായിരിക്കും സന്ദര്‍ശനം. തുടര്‍ന്ന് ഇസ്രായേലും വത്തിക്കാനും സന്ദര്‍ശിക്കും. റോമില്‍ പോപ്പ് ഫ്രാന്‍സിസിനേയും സന്ദര്‍ശിക്കാന്‍ സാധ്യതയുണ്ടെന്നും വൈറ്റ് ഹൗസ് വൃത്തങ്ങള്‍ വ്യക്തമാക്കി. ലോകത്തെ പ്രധാന മതനേതാക്കന്‍മാരെ സന്ദര്‍ശിച്ച് പൊതു ശത്രുക്കള്‍ക്കെതിരേ അണി നിരത്തലാണ് സന്ദര്‍ശന ലക്ഷ്യമെന്ന് വിലയിരുത്തപ്പെടുന്നു. അതേസമയം, ട്രംപിന്റെ സന്ദര്‍ശനം എല്ലാ അര്‍ഥത്തിലും ചരിത്രപരമായ ഒന്നായിരിക്കുമെന്ന് സൗദി വിദേശകാര്യ മന്ത്രി ആദില്‍ ജുബൈര്‍ പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss