|    Jan 21 Sat, 2017 7:41 am
FLASH NEWS

ടെലിഫോണ്‍ എക്‌സ്‌ചേഞ്ച് കേസ്: മാരന്‍ സിബിഐ മുമ്പാകെ ഹാജരാവണം: സുപ്രിംകോടതി

Published : 28th November 2015 | Posted By: SMR

ന്യൂഡല്‍ഹി: അനധികൃത ടെലിഫോണ്‍ എക്‌സ്‌ചേഞ്ച് സ്ഥാപിച്ച കേസില്‍ മുന്‍ കേന്ദ്ര ടെലികോം മന്ത്രി ദയാനിധി മാരനോട് സിബിഐക്കു മുമ്പാകെ ചോദ്യംചെയ്യലിന് ഹാജരാവാന്‍ സുപ്രിംകോടതി നിര്‍ദേശിച്ചു. തിങ്കളാഴ്ച മുതല്‍ ഡിസംബര്‍ അഞ്ചു വരെയുള്ള ദിവസങ്ങളില്‍ രാവിലെ 11 മുതല്‍ വൈകീട്ട് അഞ്ചുവരെ മാരന്‍ സിബിഐ ഒാഫിസില്‍ ഉണ്ടായിരിക്കണമെന്നാണ് ജസ്റ്റിസ് ടി എസ് ഠാക്കൂറിന്റെ നേതൃത്വത്തിലുള്ള ബെഞ്ച് നിര്‍ദേശിച്ചത്.
എന്നാല്‍, മാരനെ അറസ്റ്റ് ചെയ്യുന്നതിനുള്ള സ്റ്റേ തുടരുമെന്നും ബെഞ്ച് വ്യക്തമാക്കി. ദയാനിധി മാരനെ കസ്റ്റഡിയിലെടുത്ത് ചോദ്യം ചെയ്യുന്നതിന് കോടതി അനുമതി നല്‍കിയില്ല. ഒരു മുന്‍മന്ത്രിയോടു ചോദിക്കാവുന്ന അനുയോജ്യമായ ചോദ്യാവലി തയാറാക്കാനും അന്വേഷണ ഉദ്യോഗസ്ഥന്‍ ചോദിക്കുന്നവയ്ക്ക് ഉചിതമായ ഉത്തരം നല്‍കാനും കോടതി നിര്‍ദേശം നല്‍കിയിട്ടുണ്ട്. മാരനെ ചോദ്യം ചെയ്യാതെ അന്വേഷണം മുന്നോട്ടു കൊണ്ടുപോകാനാവില്ലെന്നും അതിനായി ആറ് ദിവസത്തേക്കു കസ്റ്റഡിയിലെടുക്കാന്‍ അനുവദിക്കണമെന്നും ആവശ്യപ്പെട്ട് സിബിഐ നല്‍കിയ അപേക്ഷയാണ് കോടതി പരിഗണിച്ചത്.
മന്ത്രിയായിരുന്ന കാലത്ത് മാരന്‍ സ്വവസതിയില്‍ 300ഓളം ടെലിഫോണ്‍ കണക്ഷനുകള്‍ സ്ഥാപിച്ച് സഹോദരന്‍ കലാനിധി മാരന്റെ ഉടമസ്ഥതയിലുള്ള സണ്‍ ടിവിയെ സഹായിച്ചു എന്നാണ് കേസ്.മദ്രാസ് ഹൈക്കോടതി മുന്‍കൂര്‍ ജാമ്യം റദ്ദാക്കുകയും സിബിഐ മുമ്പാകെ ഹാജരാവാന്‍ നിര്‍ദേശിക്കുകയും ചെയ്തതിനെത്തുടര്‍ന്നാണ് ദയാനിധി മാരന്‍ സുപ്രിംകോടതയെ സമീപിച്ചത്.

Share on FacebookShare on Google+Tweet about this on TwitterShare on LinkedIn
(Visited 61 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക