|    Jul 27 Thu, 2017 2:25 am
FLASH NEWS
Home   >  Todays Paper  >  Page 4  >  

ടൂറിസ്റ്റ് ബസ്സില്‍ കടത്തിയ 35 ലക്ഷം രൂപയും മദ്യവും പിടികൂടി

Published : 21st November 2015 | Posted By: SMR

ഇരിട്ടി: രേഖകളില്ലാതെ കര്‍ണാടകയില്‍നിന്ന് ടൂറിസ്റ്റ് ബസ്സില്‍ കൊണ്ടുവന്ന 35 ലക്ഷം രൂപയും മറ്റൊരു ബസ്സില്‍നിന്ന് മദ്യവും ഇരിട്ടി പോലിസ് പിടികൂടി. ഒരാളെ അറസ്റ്റ് ചെയ്തു. എസ്‌ഐ എന്‍ പി ബ്രജീത്തയുടെ നേതൃത്വത്തില്‍ ഇരിട്ടി പഴയ സ്റ്റാന്റില്‍ ഇന്നലെ പുലര്‍ച്ചെയാണ് പരിശോധന നടത്തിയത്.

ബംഗളൂരു അശോക് നഗറില്‍ താമസിക്കുന്ന വടകര ഒഞ്ചിയത്തെ പുലിയുള്ള ഹൗസില്‍ എം പി നാസര്‍ (45) ആണ് അറസ്റ്റിലായത്. ബംഗളൂരുവില്‍നിന്ന് തലശ്ശേരിയിലേക്ക് വരികയായിരുന്ന ടൂറിസ്റ്റ് ബസ്സില്‍നിന്നാണ് പണം കണ്ടെടുത്തത്. അഞ്ഞൂറിന്റെയും ആയിരത്തിന്റെയും കെട്ടുകളായി അടുക്കിവച്ച നിലയിലായിരുന്നു. കുഴല്‍പ്പണമാണെന്ന് സംശയമുള്ളതിനാല്‍ നാസറിനെ കസ്റ്റഡിയിലെടുത്ത് ചോദ്യം ചെയ്തു. ഡിവൈഎസ്പി പി സുകുമാരന്‍, സിഐ വി വി മനോജ് എന്നിവരാണ് ചോദ്യം ചെയ്തത്. പ്രതികളെ അറസ്റ്റ് രേഖപ്പെടുത്തി മട്ടന്നൂര്‍ കോടതിയില്‍ ഹാജരാക്കി.
ബംഗളൂരുവില്‍നിന്ന് ചെറുപുഴയിലേക്ക് പോവുകയായിരുന്ന മറ്റൊരു ടൂറിസ്റ്റ് ബസ്സില്‍നിന്ന് മൂന്നര ലിറ്റര്‍ വിദേശമദ്യം പിടികൂടി. പയ്യന്നൂര്‍ കാങ്കോല്‍ സ്വദേശി മൂപ്പന്റെകത്ത് അബ്ദുല്‍ ഖാദറി(39)നെ പോലിസ് കസ്റ്റഡിയിലെടുത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക