|    Nov 20 Mon, 2017 2:53 am
FLASH NEWS
Home   >  Todays Paper  >  page 7  >  

ടിപ്പു ജയന്തിയെ പിന്തുണച്ച് ശ്രീ ശ്രീ രവിശങ്കറും

Published : 13th November 2017 | Posted By: fsq

 

ബംഗളൂരു: കര്‍ണാടകയിലെ ബിജെപി എംഎല്‍എയ്ക്കു പിന്നാലെ സംഘപരിവാര നേതൃത്വത്തെ വെട്ടിലാക്കി ടിപ്പു സുല്‍ത്താന്‍ ജയന്തിക്കു പിന്തുണയുമായി ജീവനകലാ ആചാര്യന്‍ ശ്രീ ശ്രീ രവിശങ്കറും. നേതാക്കളും ചരിത്ര പുരുഷന്‍മാരുമായ എല്ലാവരും നല്ലതും ചീത്തയുമായ കാര്യങ്ങള്‍ ചെയ്തിട്ടുണ്ട്. ടിപ്പു സുല്‍ത്താന്‍ ചെയ്ത നല്ലകാര്യങ്ങളില്‍ ശ്രദ്ധയൂന്നുകയും അത്തരം കാര്യങ്ങള്‍ മാതൃകയാക്കണമെന്നും അദ്ദേഹം ആവശ്യപ്പെട്ടു.ടിപ്പു സുല്‍ത്താന്‍ മതഭ്രാന്തനാണെന്നും ഭരണ കാലത്ത് ആയിരങ്ങളെ നിര്‍ബന്ധിത മതപരിവര്‍ത്തനത്തിനു വിധേയമാക്കിയെന്നുമുള്ള വ്യാജ ആരോപണം ഉന്നയിച്ച് സംഘപരിവാര സംഘടനകള്‍ കര്‍ണാടക സര്‍ക്കാരിന്റെ ടിപ്പു ജയന്തി ആഘോഷങ്ങള്‍ക്കെതിരേ തെരുവിലിറങ്ങിയതിനു പിന്നാലെ സംഘപരിവാര സഹയാത്രികനായ ശ്രീ ശ്രീ രവി ശങ്കര്‍ ടിപ്പു ജയന്തിക്കു പിന്തുണ പ്രഖ്യാപിച്ചതു നേതൃത്വത്തെ വെട്ടിലാക്കി. ടിപ്പു ജയന്തി ആഘോഷങ്ങള്‍ കര്‍ണാടകയിലെ ബിജെപി എംഎല്‍എ ഉദ്ഘാടനം ചെയ്തതു സംഘപരിവാര നേതൃത്വത്തെ പ്രതിരോധത്തിലാക്കിയിരുന്നു. സംഘപരിവാര പ്രവര്‍ത്തകരുടെ എതിര്‍പ്പ് അവഗണിച്ചു കര്‍ണാടക മുഖ്യമന്ത്രി സിദ്ധരാമയ്യയുടെ നേതൃത്വത്തില്‍ ടിപ്പു സുല്‍ത്താന്‍ ജയന്തി കഴിഞ്ഞദിവസം ആഘോഷിച്ചിരുന്നു. ടിപ്പു ജയന്തിയുടെ ഔദ്യോഗിക ഉദ്ഘാടനം മുഖ്യമന്ത്രി സിദ്ധരാമയ്യ ബംഗളൂരുവിലെ വിധാന്‍ സൗധത്തില്‍ നിര്‍വഹിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക