|    Aug 24 Thu, 2017 12:07 pm
Home   >  Todays Paper  >  page 7  >  

ടിപ്പുസുല്‍ത്താന്റെ ജന്മദിനം ഇന്ന്: ആഘോഷം ബിജെപി ബഹിഷ്‌കരിക്കും

Published : 10th November 2015 | Posted By: SMR

ബംഗളൂരു: ധീര ദേശാഭിമാനി ടിപ്പു സുല്‍ത്താന്റെ ജന്മദിനത്തോടനുബന്ധിച്ച് കര്‍ണാടക സര്‍ക്കാര്‍ ഇന്ന് നടത്തുന്ന ആഘോഷ പരിപാടികളില്‍ ബിജെപി പങ്കെടുക്കില്ല. ടിപ്പു മത ഭ്രാന്തനാണെന്നാരോപിച്ചാണ് ബിജെപിയുടെ ബഹിഷ്‌കരണം. സര്‍ക്കാര്‍ സംഘടിപ്പിക്കുന്ന ആഘോഷങ്ങളില്‍ തങ്ങളുടെ പ്രതിനിധികളാരും പങ്കെടുക്കില്ലെന്നു ബിജെപി സംസ്ഥാന അധ്യക്ഷന്‍ പ്രഹഌദ് ജോഷി പറഞ്ഞു.
എല്ലാ നിയമസഭാ മണ്ഡലങ്ങളിലും എംഎല്‍എമാരുടെ അധ്യക്ഷതയില്‍ ആഘോഷം സംഘടിപ്പിക്കാനാണ് സംസ്ഥാന സര്‍ക്കാര്‍ തീരുമാനം. ബിജെപിക്കുള്ള 44 എംഎല്‍എമാര്‍ പരിപാടിയില്‍ പങ്കെടുക്കില്ലെന്നും ജോഷി പറഞ്ഞു.
18ാം നൂറ്റാണ്ടില്‍ ബ്രിട്ടീഷുകാര്‍ക്കെതിരേയും സാമൂഹിക ഉച്ചനീചത്വത്തിനെതിരേയും ശക്തമായ നിലപാടെടുത്ത മൈസൂര്‍ രാജാവായിരുന്ന ടിപ്പു സുല്‍ത്താന്റെ ജന്മദിനം ആദ്യമായാണ് കര്‍ണാടക സര്‍ക്കാര്‍ ആഘോഷിക്കുന്നത്. ബ്രിട്ടീഷുകാര്‍ക്കെതിരായ യുദ്ധത്തില്‍ 1799ല്‍ ശ്രീരംഗപട്ടണത്തുവച്ചാണ് ടിപ്പു കൊല്ലപ്പെട്ടത്.
എതിര്‍പ്പുകള്‍ വകവയ്ക്കാതെ പരിപാടിയുമായി മുന്നോട്ടുപോവുമെന്ന് മുഖ്യമന്ത്രി സിദ്ധരാമയ്യ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക