|    Nov 18 Sun, 2018 1:37 am
FLASH NEWS

ടാറിങ് നടത്തി മൂന്നാംനാള്‍ റോഡ് കുഴിയായി

Published : 13th March 2018 | Posted By: kasim kzm

പീരുമേട്: ടാറിങ് നടത്തി മൂന്നാംനാള്‍ റോഡ് കുണ്ടുംകുഴിയുമായി. ഇതേതുടര്‍ന്ന്, റോഡില്‍ വാഴനട്ട് പ്രതിഷേധവുമായി നാട്ടുകാര്‍ രംഗത്ത്. ഏലപ്പാറ പഞ്ചായത്തിലെ 6 വാര്‍ഡിലാണ് മൂന്നുദിവസം മുമ്പ് ചെയ്ത റോഡിന്റെ ടാറിങ് പൊളിഞ്ഞ് കുഴിയായി മാറിയത്.
ദിവസങ്ങള്‍ക്ക് മുന്‍പാണ് ഈ റോഡിന്റെ കുണ്ടും കുഴിയുമായി കിടന്ന മുക്കാല്‍ കിലോമീറ്ററോളം ദൂരം 8 ലക്ഷത്തി തൊണ്ണൂറായിരം രൂപ മുടക്കിയാണ് നിര്‍മ്മാണ പ്രവര്‍ത്തനങ്ങള്‍ ആരംഭിച്ചത്. ടാറിങ് ആരംഭിച്ച് രണ്ടു ദിവസത്തിനുള്ളില്‍ തന്നെ പണികള്‍ പൂര്‍ത്തീകരിച്ച് കരാറുകാരന്‍ മടങ്ങിയെങ്കിലും കഴിഞ്ഞ ദിവസം മുതലാണ് പ്രദേശവാസികള്‍ക്കായി റോഡ് തുറന്നു നല്‍കിയത്. ഏലപ്പാറ  ചെമ്മണ്ണ് പാതയെ ബന്ധിപ്പിക്കുന്ന നിരവധി തോട്ടം തൊഴിലാളികളടക്കം ഉപയോഗിക്കുന്ന റോഡാണിത്.
വാഹനങ്ങള്‍ ഓടി തുടങ്ങിയതോടെ ടാറിങ് ഇളകി മാറാന്‍ തുടങ്ങുകയും കുഴികള്‍ രൂപപ്പെടുകയും ചെയ്യാന്‍ തുടങ്ങിയതോടെയാണ് നാട്ടുകാര്‍ പ്രതിഷേധവുമായി രംഗത്ത് ഇറങ്ങിയത്. റോഡിനായി ഫണ്ട് വിനിയോഗിച്ചത് മാത്രമാണ് താന്‍ ചെയ്തതെന്നും കരാറുകാരനും പഞ്ചായത്ത് സെക്രട്ടറിയും, എഞ്ചിനീയറുമാണ് ഇതിന്റെ ഉത്തരവാദിത്വമെന്നാണ് വാര്‍ഡ് മെംബര്‍ നല്‍കുന്ന വിശദീകരണം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss