ന്യൂയോര്‍ക്ക്: ലോക റാങ്കിങിലെ ഒന്നാംസ്ഥാനക്കരായ നൊവാക് ജോകോവിച്ചും സെറീനാ വില്യംസും യുഎസ് ഓപണ്‍ ടെ ന്നിസില്‍ ടോപ് സീഡുകളാവും. ഈ വര്‍ഷം നടന്ന മല്‍സരങ്ങളുടെ വിജയം കണക്കാക്കിയാണ് ഇരുവരും ഒന്നാംസ്ഥാനത്തെത്തിയത്.
ആസ്‌ത്രേലിയന്‍ ഓപണ്‍, ഫ്രഞ്ച് ഓപണ്‍ കീരിടമടക്കം സീസണിലെ നാലു പ്രധാന ടൂര്‍ണമെന്റുകളില്‍ വിജയം നേടിയാണ് ജോക്കോവിച്ച് ഒന്നാം റാ ങ്ക് ഭദ്രമാക്കിയത്.
അതേസമയം, ഈ സീസണിലെ 38 മല്‍സരങ്ങളില്‍ 33ലും   വിജയിച്ചാണ് സെറീന മുന്നേറ്റം നടത്തിയത്. ഇതിനു പുറമേ 22 ഗ്രാന്റ്സ്ലാം കിരീടനേട്ടമെന്ന ഇതിഹാസതാരം സ്റ്റെഫി ഗ്രാഫിന്റെ റെക്കോഡും സെറീന ഈ വര്‍ഷം മറികടന്നിരുന്നു.
ഈ മാസം 29നാണ് യുഎസ് ഓപണ്‍ തുടക്കമാവുന്നത്.