|    Apr 25 Wed, 2018 2:43 am
FLASH NEWS
Home   >  Todays Paper  >  page 7  >  

ജെറ്റ് എയര്‍വേസിന് വ്യാജ ബോംബ് ഭീഷണി; യാത്ര വൈകി

Published : 21st April 2016 | Posted By: SMR

അഹ്മദാബാദ്: ബോംബ് ഭീഷണിയെ തുടര്‍ന്ന് ജെറ്റ് എയര്‍വേസിന്റെ മുംബൈ-അഹ്മദാബാദ്-മുംബൈ വിമാനം വൈകി. 125 യാത്രക്കാരും ആറു ജോലിക്കാരുമടങ്ങിയ വിമാനം മുംബൈയില്‍ നിന്ന് അഹ്മദാബാദ് വിമാനത്താവളത്തിലെത്തിയപ്പോഴായിരുന്നു ബോംബ് ഭീഷണി. തുടര്‍ന്ന് വിമാനം മറ്റൊരിടത്തേക്കു മാറ്റി. പരിശോധനയില്‍ ബോംബ് ഭീഷണി വ്യാജമാണെന്നു തെളിഞ്ഞു. സംഭവവുമായി ബന്ധപ്പെട്ട് ഒരു യാത്രക്കാരനെ പിടികൂടി.
ഇയാളുടെ സീറ്റിന്റെ അടിയില്‍ നിന്ന് ബോംബ് എന്നെഴുതിയ ചീട്ട് കണ്ടെടുത്തിട്ടുണ്ട്. വിമാനത്തിന്റെ അടുത്ത മുംബൈ യാത്രയ്ക്കുള്ള തയ്യാറെടുപ്പിന്റെ ഭാഗമായി ശുചീകരണം നടത്തുകയായിരുന്ന തൊഴിലാളികളിലൊരാളാണ് ബോംബ് എന്നെഴുതിയ ചീട്ട് കണ്ടെത്തിയത്. അദ്ദേഹം അധികൃതരെ വിവരമറിയിച്ചു. ഉടന്‍ പോലിസും ബോംബ് സ്‌ക്വാഡും സ്ഥലത്തെത്തി പരിശോധന നടത്തിയെങ്കിലും ബോംബൊന്നും കണ്ടെത്തിയില്ല.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss