|    Jan 20 Sat, 2018 10:07 pm
FLASH NEWS
Home   >  Todays Paper  >  page 7  >  

ജെഎന്‍യു വിദ്യാര്‍ഥിയെ കാണാതായി

Published : 11th January 2018 | Posted By: kasim kzm

ന്യൂഡല്‍ഹി: ജവഹര്‍ലാല്‍ നെഹ്‌റു സര്‍വകലാശാലയില്‍ (ജെഎന്‍യു)നിന്ന് മറ്റൊരു വിദ്യാര്‍ഥിയെക്കൂടി കാണാതായി. 26കാരനായ പിഎച്ച്ഡി വിദ്യാര്‍ഥി മുകുള്‍ ജയിനെയാണ് കാണാതായതെന്ന് പോലിസ് പറഞ്ഞു. ലൈഫ് സയന്‍സ് കോഴ്‌സ് വിദ്യാര്‍ഥിയായ മുകുള്‍ ജയിനെ തിങ്കളാഴ്ച മുതലാണ് കാണാതായത്.
ജയിന് ചില പ്രശ്‌നങ്ങള്‍ ഉണ്ടായിരുന്നതായി സംശയിക്കുന്നുണ്ടെന്നും പോലിസ് പറഞ്ഞു. 2016 ഒക്ടോബര്‍ 15ന് സര്‍വകലാശാലയിലെ മാഹി മന്ദാവി ആശുപത്രിയില്‍നിന്ന് ജെഎന്‍യു വിദ്യാര്‍ഥി നജീബ് അഹ്മദിനെ കാണാതായ സംഭവം വലിയ വിവാദമായിരുന്നു. എബിവിപി പ്രവര്‍ത്തകരുമായുണ്ടായ പിടിവലിക്കു ശേഷമാണ് നജീബിനെ കാണാതായത്. മകനെ കണ്ടെത്തണമെന്നാവശ്യപ്പെട്ട് നജീബിന്റെ മാതാവ് ഡല്‍ഹി ഹൈക്കോടതിയെ സമീപിച്ചിരുന്നു. നജീബ് കേസ് മെയ് 16ന് അന്വേഷണത്തിനായി സിബിഐക്കു കൈമാറി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day